ഓര്‍ലീന്‍സ് മാസ്റ്റേഴ്സ് 2021ല്‍ ഇന്ത്യയുടെ പുരുഷ വനിത ഡബിള്‍സ് ടീമുകള്‍ സെമിയില്‍. അശ്വിനി പൊന്നപ്പ – സിക്കി റെഡ്ഡി, കൃഷ്ണ പ്രസാദ് ഗാര്‍ഗ – വിഷ്ണു വര്‍ദ്ധന്‍ കൂട്ടുകെട്ടാണ് സെമിയില്‍ കടന്നത്. അതേ സമയം ധ്രുവ് കപില – എംആര്‍ അര്‍ജ്ജുന്‍ കൂട്ടുകെട്ട് ക്വാര്‍ട്ടറില്‍ പരാജയപ്പെട്ടു. അശ്വിനി – സിക്കി കൂട്ടുകെട്ട് ഇംഗ്ലണ്ട് താരങ്ങളെ 21-14, 21-18 എന്ന സ്കോറിനാണ് പരാജയപ്പെടുത്തിയത്.
ഫ്രാന്‍സ് കൂട്ടുകെട്ടിനെയാണ് കൃഷ്ണ പ്രസാദ് – വിഷ്ണു വര്‍ദ്ധന്‍ കൂട്ടുകെട്ട് ക്വാര്‍ട്ടറില്‍ പരാജയപ്പെടുത്തിയത്. 21-17, 10-21, 22-20 എന്ന സ്കോറിനായിരുന്നു വിജയം.
മൂന്ന് ഗെയിം പോരാട്ടത്തിലാണ് ധ്രുവ് – അര്‍ജ്ജുന്‍ കൂട്ടുകെട്ട് പരാജയമേറ്റു വാങ്ങിയത്. 19-21, 21-18, 21-23 എന്ന സ്കോറിന് അത്യന്തം ആവേശകരമായ മത്സരത്തിലാണ് ബ്രിട്ടീഷ് താരങ്ങളോട് ഇവരുടെ പരാജയം.
