മേജര്‍ ലീഗ് ക്രിക്കറ്റിലേക്കും നൈറ്റ് റൈഡേഴ്സ് എത്തുന്നുവെന്ന് അറിയിച്ച് അമേരിക്കന്‍ ക്രിക്കറ്റ് എന്റര്‍പ്രൈസസ്(എസിഇ). ലീഗിന്റെ പ്രധാന ഇന്‍വെസ്റ്റര്‍ കൂടിയായിരിക്കും ഇവര്‍ എന്നും എസിഇ അറിയിച്ചിട്ടുണ്ട്. പുതിയ നിക്ഷേപകരുടെ നീണ്ട നിര തന്നെ മേജര്‍ ലീഗ് ക്രിക്കറ്റിലേക്ക് എത്തുമെന്നാണ് അമേരിക്കന്‍ ക്രിക്കറ്റ് എന്റര്‍പ്രൈസസ് വ്യക്തമാക്കിയിട്ടുള്ളത്.
ഐപിഎലിലും കരീബിയന്‍ പ്രീമിയര്‍ ലീഗിലും വിജയം കണ്ടിട്ടുള്ള സംരഭകരാണ് നൈറ്റ് റൈഡേഴ്സ് ഫ്രാഞ്ചൈസി. വലിയൊരു ഫ്രാഞ്ചൈസി ലീഗിന്റെ ഒരുക്കത്തിലാണ് എസിഇ. അമേരിക്കയില്‍ ക്രിക്കറ്റിനെ മുന്‍ നിരയിലേക്ക് എത്തിക്കുവാനുള്ള എസിഇയുടെ ശ്രമങ്ങളില്‍ വലിയ പിന്തുണയാകും ഈ നീക്കം സൃഷ്ടിക്കുക എന്നും എസിഇ കോ ഫൗണ്ടര്‍ ആയ വിജയ് ശ്രീനിവാസന്‍ വ്യക്തമാക്കിയത്.
