ഇന്ന് വനിത ടി20 ചലഞ്ചിന്റെ ഫൈനല്‍ മത്സരത്തില്‍ ആദ്യം ബാറ്റ് ചെയ്ത ട്രെയില്‍ബ്ലേസേഴ്സിന് 118 റണ്‍സ്. ഓപ്പണിംഗ് കൂട്ടുകെട്ടായ സ്മൃതി മന്ഥാനയും ഡിയാന്‍ഡ്ര ഡോട്ടിനും മികച്ച ഫോമില്‍ ബാറ്റ് വീശിയപ്പോള്‍ 11.1 ഓവറില്‍ 71 റണ്‍സാണ് ട്രെയില്‍ബ്ലേസേഴ്സ് നേടി. എന്നാല്‍ അതിന് ശേഷം തുടരെ വിക്കറ്റുകള്‍ വീണപ്പോള്‍ ടീമിന് വലിയ സ്കോര്‍ നേടുവാന്‍ സാധിച്ചില്ല.
ഡോട്ടിന്‍ 20 റണ്‍സ് നേടി പുറത്തായപ്പോള്‍ 49 പന്തില്‍ നിന്ന് 68 റണ്‍സാണ് മന്ഥാനയുടെ സ്കോര്‍. രാധ യാദവ് അഞ്ച് വിക്കറ്റ് നേടി ട്രെയില്‍ബ്ലേസേഴ്സിന്റെ സ്കോറിംഗിന് തടയിടുകയായിരുന്നു. 16 റണ്‍സ് മാത്രം വിട്ട് നല്‍കിയാണ് രാധ യാദവിന്റെ അഞ്ച് വിക്കറ്റ് നേട്ടം.
