ഇന്ന് തങ്ങളുടെ എട്ടാം വിജയം തേടി ഇറങ്ങിയ ട്രിന്‍ബാഗോ നൈറ്റ് റൈഡേഴ്സിന് സെയിന്റ് കിറ്റ്സ് ആന്‍ഡ് നെവിസ് പാട്രിയറ്റ്സിനെതിരെ 174 റണ്‍സ്. തന്റെ ശതകം നാല് റണ്‍സ് അകലെ നഷ്ടമായെങ്കില്‍ ലെന്‍ഡല്‍ സിമ്മണ്‍സിന്റെ മിന്നും പ്രകടനമാണ് ഇന്ന് ട്രിന്‍ബാഗോയെ മികച്ച സ്കോറിലേക്ക് നയിച്ചത്.
തുടക്കത്തില്‍ സുനില്‍ നരൈന് പകരം ടീമിലെത്തിയ അമീര്‍ ജാങ്കോയെ റണ്ണൗട്ട് രൂപത്തില്‍ നഷ്ടമായ ശേഷം കോളിന്‍ മണ്‍റോ പരിക്കേറ്റ് പുറത്താകുകയും ചെയ്ത ശേഷം ലെന്‍ഡല്‍ സിമ്മണ്‍സ്-ഡാരെന്‍ ബ്രാവോ കൂട്ടുകെട്ട് നേടിയ 136 റണ്‍സ് കൂട്ടുകെട്ടിന്റെ ബലത്തിലാണ് ട്രിന്‍ബാഗോയുടെ ഇന്നിംഗ്സ് മുന്നോട്ട് പോയത്.
സിമ്മണ്‍സ് 63 പന്തില്‍ നിന്ന് 96 റണ്‍സ് നേടിയപ്പോള്‍ ഡാരെന്‍ ബ്രാവോ 36 റണ്‍സാണ് നേടിയത്. അവസാന ഓവര്‍ എറിഞ്ഞ ഡൊമിനിക് ഡ്രേക്ക്സ് രണ്ട് വിക്കറ്റ് നേടി ഹാട്രിക്ക് നേട്ടത്തിനരികെ എത്തിയെങ്കിലും സിക്കന്ദര്‍ റാസ താരത്തിന് അത് നിഷേധിച്ചു. ഡ്വെയിന്‍ ബ്രാവോ താന്‍ നേരിട്ട അവസാന പന്ത് സിക്സര്‍ പറത്തി ടീം ംസ്കോര്‍ 174 റണ്‍സിലേക്ക് നയിക്കുകയായിരുന്നു.
