ഇന്ത്യൻ ക്രിക്കറ്റിന്റെ മുഖം മാറ്റിയ താരമാണ് മുൻ ഇന്ത്യൻ ക്യാപ്റ്റൻ മഹേന്ദ്ര സിംഗ് ധോണിയെന്ന് പാകിസ്ഥാൻ പരിശീലകൻ മിസ്ബാഹുൽ ഹഖ്. ക്രിക്കറ്റ് ലോകം കണ്ട ഏറ്റവും മികച്ച ക്യാപ്റ്റന്മാരിൽ ഒരാളാണ് ധോണിയെന്നും ഇന്ത്യൻ ക്രിക്കറ്റിന് ഒരുപാട് നേട്ടങ്ങൾ ധോണി സമ്മാനിച്ചിട്ടുണ്ടെന്നും മിസ്ബാഹ് പറഞ്ഞു. കഴിഞ്ഞ ദിവസം അന്താരാഷ്ട്ര ക്രിക്കറ്റിൽ നിന്ന് ധോണി വിരമിക്കൽ പ്രഖ്യാപിച്ചിരുന്നു.
ധോണി പുറത്ത് ശാന്ത സ്വഭാവമുള്ള ഒരു ക്യാപ്റ്റൻ ആണെന്നും എന്നാൽ ഉള്ളിൽ മികച്ച ആക്രമസ്വഭാവമുള്ള കളിക്കാരൻ ആണെന്നും മിസ്ബാഹ് പറഞ്ഞു. ഇന്ത്യൻ ടീമിന്റെ രീതികൾ മാറ്റിയത് ധോണിയാണെന്നും മികച്ച യുവതാരങ്ങളെ ധോണി ടീമിന് വേണ്ടി സംഭവം ചെയ്തിട്ടുണ്ടെന്നും മിസ്ബാഹ് പറഞ്ഞു. സൗരവ് ഗാംഗുലി നിർത്തിയ സ്ഥലത്ത് നിന്ന് ഇന്ത്യയെ മുൻപോട്ട് നയിച്ച് ഇന്ത്യയെ ഒരുപാട് ഉയരങ്ങളിൽ എത്തിച്ചതും ധോണിയാണെന്നും മിസ്ബാഹ് കൂട്ടിച്ചേർത്തു. 2017ൽ മിസ്ബാഹുൽ ഹഖ് ഉൾപ്പെടെയുള്ള പാകിസ്ഥാൻ ടീമിനെ പരാജയപ്പെടുത്തിയാണ് ധോണി ടി20 ലോകകപ്പ് കിരീടം ഇന്ത്യക്ക് നേടിക്കൊടുത്തത്.
