ഇന്ത്യൻ ക്രിക്കറ്റിലെ അടുത്ത മഹേന്ദ്ര സിംഗ് ധോണി ഇന്ത്യൻ ഏകദിന ടീം വൈസ് ക്യാപ്റ്റൻ രോഹിത് ശർമ്മയാണെന്ന് ഇന്ത്യൻ താരം സുരേഷ് റെയ്ന. രോഹിത് ശർമ്മയുടെയും മഹേന്ദ്ര സിംഗ് ധോണിയുടെയും ക്യാപ്റ്റൻസി രീതികൾ സാമ്യം ഉണ്ടെന്നും സുരേഷ് റെയ്ന പറഞ്ഞു.
രോഹിത് ശർമ്മ എപ്പോഴും കളിക്കാർ പറയുന്ന കാര്യങ്ങൾ കേൾക്കാൻ തയ്യാറാണെന്നും ഡ്രസിങ് റൂം എപ്പോഴും പോസറ്റീവ് ആയി നിലനിർത്താൻ രോഹിത് ശർമ്മ ശ്രമിക്കാറുണ്ടെന്നും സുരേഷ് റെയ്ന പറഞ്ഞു. ക്യാപ്റ്റൻസിയുടെ കാര്യത്തിൽ രോഹിത് ശർമ്മയും മഹേന്ദ്ര സിംഗ് ധോണിയും തമ്മിൽ സാമ്യതകൾ ഉണ്ടെന്നും അതുകൊണ്ടാണ് ഇന്ത്യൻ ക്രിക്കറ്റിലെ അടുത്ത ധോണിയായി രോഹിത് ശർമ്മ മാറുമെന്ന് താൻ പറയുന്നതെന്നും സുരേഷ് റെയ്ന കൂട്ടിച്ചേർത്തു.
രോഹിത് ശർമ്മ ധോണിയെ പോലെ ശാന്ത സ്വഭാവമുള്ള ആളാണെന്നും ടീമിനെ മുന്നിൽ നിന്ന് നയിക്കാൻ താരത്തിന് കഴിയാറുണ്ടെന്നും രോഹിത് ശർമ്മ പറഞ്ഞു. രോഹിത് ശർമ്മ മികച്ച ക്യാപ്റ്റൻ ആണെന്നും അദ്ദേഹത്തിന് കീഴിൽ ഏഷ്യ കപ്പിൽ കൈച്ചിട്ടുണ്ടെന്നും യുവ താരങ്ങൾക്ക് മികച്ച രീതിയിൽ ആത്മവിശ്വാസം നൽകുന്ന ആളാണ് രോഹിത് ശർമ്മയെന്നും റെയ്ന പറഞ്ഞു.
