26 വർഷത്തിന് ശേഷം ഒരു വെസ്റ്റിൻഡീസ് ബൗളർക്ക് ടെസ്റ്റ് ക്രിക്കറ്റിൽ 200 വിക്കറ്റ് നേട്ടം. വെസ്റ്റിൻഡീസ് ഫാസ്റ്റ് ബൗളർ കേമാർ റോച്ച് ആണ് 200 വിക്കറ്റ് നേട്ടം സ്വന്തമാക്കിയത്. ഇംഗ്ലണ്ടിനെതിരായ അവസാന ടെസ്റ്റിന്റെ രണ്ടാം ദിവസമാണ് താരം ഈ നേട്ടം സ്വന്തമാക്കിയത്.
ഇംഗ്ലണ്ട് ബാറ്റ്സ്മാൻ ക്രിസ് വോക്‌സിന്റെ വിക്കറ്റ് വീഴ്ത്തിയാണ് റോച്ച് 200 വിക്കറ്റ് നേട്ടം തികച്ചത്. അവസാനമായി ഒരു വെസ്റ്റിൻഡീസ് ബൗളർ ടെസ്റ്റിൽ 200 വിക്കറ്റ് നേട്ടം തികച്ചത് 1994ൽ കാർട്ലി ആംബ്രോസ് ആണ്. 200 വിക്കറ്റ് നേട്ടം സ്വന്തമാക്കുന്ന ഒൻപതാമത്തെ വെസ്റ്റിൻഡീസ് ബൗളറാണ് കേമാർ റോച്ച്. നിലവിൽ ടെസ്റ്റിൽ 519 വിക്കറ്റുകൾ സ്വന്തമാക്കിയ കോർടിനി വാൽഷ് ആണ് വെസ്റ്റിൻഡീസിന് വേണ്ടി ഏറ്റവും കൂടുതൽ ടെസ്റ്റ് വിക്കറ്റ് നേടിയ ബൗളർ.
