ഇന്ത്യയിൽ ആകെ പടരുന്ന കൊറോണ വൈറസിനെതിരെ പോരാടാൻ ഫേസ്ബുക് വഴി ഫണ്ട് ശേഖരണം നടത്താൻ ഐ.പി.എൽ ടീമായ രാജസ്ഥാൻ റോയൽസ്. രാജസ്ഥാൻ റോയൽസിന്റെ ഫേസ്ബുക് കമ്മ്യൂണിറ്റി ഉപയോഗിച്ച് ഫണ്ട് കണ്ടെത്താനാണ് രാജസ്ഥാൻ റോയൽസിന്റെ ശ്രമം. ഇതിന് വേണ്ടി രാജസ്ഥാൻ റോയൽസ് ഫേസ്ബുക്കിൽ ഒരു ഫണ്ട് റൈസർ പേജും തുടങ്ങിയിട്ടുണ്ട്.
രാജസ്ഥാനിൽ കുട്ടികളുടെയും സ്ഥിരകളുടെയും ഉന്നമത്തിന് വേണ്ടി പ്രവർത്തിക്കുന്ന ഗ്രാം ചേതന കേന്ദ്രയുമായി സഹകരിച്ചാണ് രാജസ്ഥാൻ റോയൽസ് ഫണ്ട് ശേഖരണം നടത്തുന്നത്. ഈ ഫണ്ട് ഉപയോഗിച്ച് കഷ്ടതയനുഭവിക്കുന്ന രാജസ്ഥാനിലെ സ്ത്രീകൾക്കും അവരുടെ കുടുംബത്തിനും ഭക്ഷണമെത്തിക്കാൻ വേണ്ടിയാണ് ഈ ഫണ്ട് ഉപയോഗിക്കുക. നേരത്തെ തന്നെ രാജസ്ഥാൻ റോയൽസ് കഷ്ടത അനുഭവിക്കുന്ന സ്ത്രീകൾക്ക് വേണ്ടി ഒരു ലക്ഷം ഭക്ഷണം സംഭാവന ചെയ്തിരുന്നു.
