ഷൊയ്ബ് അക്തര്‍ തനിക്ക് തന്ന ട്വിറ്ററിലെ മറുപടി കണ്ട് അദ്ദേഹത്തിന് നര്‍മ്മ ബോധമുണ്ടെന്ന് അഭിപ്രായപ്പെട്ട് ഇന്ത്യന്‍ മുന്‍ താരം സുനില്‍ ഗവാസ്കര്‍. ഷൊയ്ബ് അക്തറിന്റെ കോവിഡ് പ്രതിരോധത്തിന് വേണ്ടി ഇന്ത്യ – പാക് പരമ്പര എന്ന ആശയത്തെ നേരത്തെ സുനില്‍ ഗവാസ്കര്‍ തള്ളിയിരുന്നു.
ഇന്ത്യ പാക് പരമ്പരയെക്കാള്‍ കൂടുതല്‍ സാധ്യത ലാഹോറില്‍ മഞ്ഞ് പെയ്യുന്നതിനാണ് സാധ്യത എന്നാണ് സുനില്‍ ഗവാസ്കര്‍ അക്തറിന്റെ നിര്‍ദ്ദേശത്തെക്കുറിച്ച് പറഞ്ഞത്. ഇപ്പോള്‍ അതിനുള്ള മറുപടിയുമായി അക്തര്‍ എത്തിയിട്ടുണ്ട്.
Well Sunny bhai, we did have a snowfall in Lahore last year 🙂
So nothing is impossible. pic.twitter.com/CwbEGBc45N— Shoaib Akhtar (@shoaib100mph) April 14, 2020
സണ്ണി ഭായ്, കഴിഞ്ഞ വര്‍ഷം ലാഹോറില്‍ മഞ്ഞ് വീഴ്ചയുണ്ടായിരുന്നു, അപ്പോള്‍ ഒന്നും അസാധ്യമല്ല എന്നാണ് അക്തര്‍ ട്വിറ്ററില്‍ മറുപടി നല്‍കിയത്. ഈ ട്വീറ്റ് വായിച്ച ശേഷം മിഡ്-ഡേ എന്ന പത്രത്തില്‍ തന്റെ കോളത്തിലാണ് നല്ല നര്‍മ്മബോധമുള്ളയാളാണ് അക്തറെന്ന് താരം വ്യക്തമാക്കി.
