മധ്യനിര താരം ബിപിൻ സിങ്ങ് മുംബൈ സിറ്റിയിൽ കരാർ പുതുക്കി. 2022 വരെ താരത്തെ ക്ലബിൽ നിലനിർത്തുന്ന കരാറാണ് ബിപിൻ സിംഗ് ഒപ്പുവെച്ചത്. രണ്ട് സീസൺ മുമ്പ് എ ടി കെ കൊൽക്കത്തയിൽ നിന്നായിരുന്നു ബിപിം മുംബൈ സിറ്റിയിൽ എത്തിയത്. ഈ സീസണിൽ മുംബൈക്ക് വേണ്ടി 15 ഐ എസ് എൽ മത്സരങ്ങളിൽ ബിപിൻ കളിച്ചിരുന്നു.
മുമ്പ് നോർത്ത് ഈസ്റ്റ് ക്ലബ് ആയ ഷില്ലോങ് ലജോങിന് വേണ്ടി ബൂട്ടണിഞ്ഞ താരമാണ് മണിപ്പൂർ സ്വദേശിയായ ബിപിൻ സിങ്. അറ്റാക്കിംഗ് മിഡ്ഫീൽഡറായാണ് വിപിൻ സിംഗ് തിളങ്ങിയിട്ടുള്ളത്. 31കാരനായ ബിപിൻ സിംഗ് ഇതുവരെ 34 ഐ എസ് എൽ മത്സരങ്ങൾ കളിച്ചിട്ടുണ്ട്. 4 ഗോളുകളും രണ്ട് അസിസ്റ്റും താരം സ്വന്തമാക്കിയിട്ടുണ്ട്.
