ഓസ്ട്രേലിയയുടെ ദേശീയ സെലക്ഷന്‍ പാനലിലേക്ക് മുന്‍ താരം ജോര്‍ജ്ജ് ബെയിലി എത്തുമെന്ന് സൂചന. ട്രെവര്‍ ഹോന്‍സും ജസ്റ്റിന്‍ ലാംഗറും ഉള്‍പ്പെടുന്ന പാനലിലേക്ക് മൂന്നാമത്തെ അംഗമായാണ് ജോര്‍ജ്ജ് ബെയിലി എത്തുന്നത്.
താരത്തിന്റെ നിയമനത്തെ ഓസ്ട്രേലിയയില്‍ വലിയ കൈയ്യടിയോടെയാണ് സ്വീകരിച്ചിരിക്കുന്നത്. ബെയിലി ഇപ്പോഴും ഫസ്റ്റ് ക്ലാസ് ക്രിക്കറ്റ് കളിക്കുന്നു എന്നത് രസകരമായ കാര്യമാണ്. നിലവില്‍ ടാസ്മാനിയയ്ക്ക് വേണ്ടി ഷെഫീല്‍ഡ് ഷീല്‍ഡില്‍ കളിക്കുന്ന താരമാണ് ബെയിലി.
വെറ്ററന്‍ താരം ഗ്രെഗ് ചാപ്പല്‍ വിരമിച്ചപ്പോള്‍ സെലക്ഷന്‍ പാനലില്‍ വന്ന ഒഴിവിലേക്കാണ് 37 വയസ്സുകാരന്‍ ബെയിലിയെ പരിഗണിക്കുന്നത്.
