ദക്ഷിണാഫ്രിക്കൻ ഫാസ്റ്റ് ബൗളർ ഡെയ്ല് സ്റ്റെയിൻ ടെസ്റ്റ് ക്രിക്കറ്റിൽ നിന്ന് വിരമിച്ചു. 36കാരനായ സ്റ്റെയിൻ ഇനി ഏകദിനങ്ങളിലും ട്വി20യിലും മാത്രമേ കളിക്കുകയുള്ളൂ എന്ന് അറിയിച്ചു. ഏകദിനത്തിലും ട്വി20യിലും ശ്രദ്ധ കേന്ദ്രീകരിക്കാൻ വേണ്ടിയാണ് ടെസ്റ്റിൽ നിന്ന് വിരമിക്കൽ പ്രഖ്യാപിക്കുന്നത് എന്ന് സ്റ്റെയിൻ പറഞ്ഞു.
ദക്ഷിണാഫ്രിക്കയ്ക് വേണ്ടി 93 ടെസ്റ്റ് മത്സരങ്ങൾ സ്റ്റെയിൻ കളിച്ചിട്ടുണ്ട്. 439 വിക്കറ്റുകൾ താരം നേടിയിട്ടുണ്ട്. അഞ്ച് പത്ത് വിക്കറ്റ് നേട്ടവും 26 തവണ 5 വിക്കറ്റ് നേട്ടവും സ്റ്റെയിനിന്റെ ടെസ്റ്റ് കരിയറിൽ അദ്ദേഹം നേടി. 7/51 ആണ് ടെസ്റ്റ് കരിയറിലെ സ്റ്റെയിനിന്റെ ഏറ്റവു മികച്ച പ്രകടനം.
