അർജന്റീനയുടെ പരിശീലകൻ ലയണൽ സ്കലോണി വിചിത്രമായ ഒരു റെക്കോർഡ് സ്വന്തം പേരിലാക്കി. കോപ്പ അമേരിക്കയിൽ ഇന്നലെ നടന്ന അർജന്റീന – ഖത്തർ നിർണായക പോരാട്ടത്തിനിടെ മത്സരത്തിന്റെ നിയമം ലംഘിച്ച അർജന്റീനയുടെ പരിശീലകന് നേരെ റഫറി മഞ്ഞക്കാർഡ് ഉയർത്തിയിരുന്നു. കോപ്പ അമേരിക്കയുടെ 103 വർഷത്തെ ചരിത്രത്തിനിടെ ആദ്യമായാണ് ഒരു പരിശീലകൻ മഞ്ഞക്കാർഡ് നേടുന്നത്, അങ്ങനെ നാണക്കേടോടെ ചരിത്ര പുസ്തകത്തിൽ ഇടം നേടാൻ ലയണൽ സ്കലോണിക്കായി.
മത്സരത്തിൽ അർജന്റീന എതിരില്ലാത്ത രണ്ടു ഗോളുകൾക്ക് ഖത്തറിനെ പരാജയപ്പെടുത്തിയിരുന്നു. അടുത്ത റൗണ്ടിലേക്ക് മുന്നേറാൻ വിജയം അനിവാര്യമായിരുന്നു അർജന്റീനക്ക് വേണ്ടി ലൗറ്റാറോ മാർട്ടിനെസും സെർജിയോ അഗ്യൂറോയും ആണ് ഗോളുകൾ നേടിയത്.
ചരിത്രമുറങ്ങുന്ന മറക്കാന സ്റ്റേഡിയത്തിൽ നടക്കുന്ന ക്വർട്ടർ ഫൈനൽ പോരാട്ടത്തിൽ വേനസ്വേല ആണ് അർജന്റീനയുടെ എതിരാളികൾ.
