പാരീസ് സെയ്ന്റ് ജർമ്മൻ സൂപ്പർ താരം നെയ്മർ ജൂനിയറിന് വിലക്ക്. 3 യൂറോപ്യൻ മത്സരങ്ങളിൽ നിന്നാണ് താരത്തെ വിലക്കിയത്. പി എസ് ജിയുടെ മാഞ്ചസ്റ്റർ യുണൈറ്റഡിന് എതിരായ തോൽവിക്ക് പിന്നാലെ റഫറിമാരെ സോഷ്യൽ മീഡിയയിൽ അധിക്ഷേപിച്ചതിനാണ് താരത്തെ യുവേഫ വിലക്കിയത്.
യുനൈറ്റഡിനോട് വഴങ്ങിയ തോൽവിക്ക് പിന്നാലെ നെയ്മർ ഇൻസ്റ്റഗ്രാമിൽ റഫറിമാരെ ഫുട്‌ബോളിനെ കുറിച്ച് ഒന്നും അറിയാത്തവർ എന്നാണ് വിശേഷിപ്പിച്ചത്. ഇതിനെതിരെ അന്വേഷണം പ്രഖ്യാപിച്ച യുവേഫ താരം തെറ്റ് ചെയ്തതായി കണ്ടെത്തി ശിക്ഷ പ്രഖ്യാപിക്കുകയായിരുന്നു. അടുത്ത സീസണിൽ പി എസ് ജിയുടെ ചാമ്പ്യൻസ് ലീഗ് ഗ്രൂപ്പ് ഘട്ടത്തിലെ ആദ്യ 3 മത്സരങ്ങൾ ഇതോടെ താരത്തിന് നഷ്ടമാകും.
