ഫ്രഞ്ച് ലീഗിൽ എട്ടു മത്സരങ്ങൾ ശേഷിക്കെ തന്നെ കിരീടം സ്വന്തമാക്കാനുള്ള അവസരം പി എസ് ജി കൈവിട്ടു. ഇന്നലെ നടന്ന മത്സരത്തിൽ സ്റ്റ്രാസ്ബൗർഗിനെ തോൽപ്പിച്ചിരുന്നു എങ്കിൽ പി എസ് ജി ലീഗ് ചാമ്പ്യന്മാരായേനെ. എന്നാൽ സംസ്റ്റ്രാസ്ബൗർഗിനെതിരെ മികവ് പുലർത്താൻ പി എസ് ജിക്ക് ആയില്ല. സൂപ്പർ താരങ്ങൾ ഇല്ലാതെ പി എസ് ജി 2-2ന്റെ സമനില ആണ് ഇന്നലെ വഴങ്ങിയത്.
ഒരു ഘട്ടത്തിൽ സ്റ്റർസ്ബൗർഗ് 2-1ന് മുന്നിൽ എത്തിയതായിരുന്നു. ആ ലീഡ് നില 82ആം മിനുട്ട് വരെ നിലനിർത്താനും അവർക്കായി. 82ആം മിനുട്ടിൽ ഡ്രാക്സലിന്റെ പാസിൽ നിന്ന് കെഹ്റർ ആണ് പി എസ് ജിക്കായി സമനില ഗോൾ നേടിയത്. ചോപോമോടിംഗ് ആയിരുന്നു പി ഈ ജിയുടെ ആദ്യ ഗോൾ നേടിയത്. സ്റ്റ്രാസ്ബൗർഗിനായി കോസ്റ്റയും ഗോൺസാല്വസും വല കുലുക്കി.
ഈ സമനിലയോടെ 30 മത്സരങ്ങളിൽ നിന്ന് പി എസ് ജിക്ക് 81 പോയിന്റായി. രണ്ടാമതുള്ള ലില്ലിക്ക് 31 മത്സരങ്ങളിൽ നിന്ന് 61 പോയിന്റാണ് ഉള്ളത്. അതുകൊണ്ട് തന്നെ ഒരു രണ്ട് പോയിന്റ് കൂടെ നേടിയാൽ പി എസ് ജി ഔദ്യോഗികമായി ചാമ്പ്യന്മാരാകും.
