എ എഫ് സി കപ്പ് ഗ്രൂപ്പ് ഘട്ട മത്സരങ്ങൾ ഇന്ന് തുടങ്ങും. ഇന്ത്യയിൽ നിന്ന് എ എഫ് വി കപ്പിന് യോഗ്യത നേടിയ രണ്ടു ടീമുകളും ആണ് ഇന്ന് നേർക്കുനേർ വരുന്നത്. മിനേർവ പഞ്ചാബും ചെന്നൈയിനും എ എഫ് സി കപ്പിൽ അരങ്ങേറുന്ന മത്സരം കൂടിയാണിത്. ഗ്രൂപ്പ് ഇയിൽ ആണ് ഇരുടീമുകളും ഏറ്റുമുട്ടുന്നത്. ധാക്ക അഭാനി, മനങ് മർഷ്യാങ്ഡി എന്നീ ക്ലബുകളാണ് ഗ്രൂപ്പിലെ മറ്റു ടീമുകൾ.
പ്ലേ ഓഫിൽ കൊളംബോ എഫ് സി യെ തോൽപ്പിച്ചാണ് ചെന്നൈയിൻ എ എഫ് സി കപ്പ് യോഗ്യത നേടിയത്. സൂപ്പർ കപ്പിലും മികച്ച വിജയം സ്വന്തമാക്കിയ ചെന്നൈയിന് എ എഫ് സി കപ്പിലും ആ പ്രകടനങ്ങൾ ആവർത്തിക്കാൻ ആകുമെന്ന് പ്രതീക്ഷയുണ്ട്. ഫോമിലുള്ള സി കെ വിനീത് ആകും ചെന്നൈയിന്റെ പ്രധാന താരം. മിനേർവയ്ക്കും ചെന്നൈയിനും ഈ സീസണിൽ ലീഗുകളിൽ ദയനീയ ഫോം ആയിരുന്നു ഉണ്ടായിരുന്നത്. എ എഫ് സി കപ്പിലെ മുന്നേറ്റത്തോടെ അത് മറികടക്കാൻ ആകുമെന്ന് ഇവർ കരുതുന്നു.
ഇന്ന് അഹമ്മദാബാദിലെ ട്രാൻസ്റ്റേഡിയയിലാണ് മത്സരം നടക്കുക. ഇന്ന് രാത്രി 7.30നാണ് മത്സരം.
