ജസ്പ്രീത് ബുംറ ആദ്യ മത്സരത്തില്‍ തല്ല് വാങ്ങിക്കൂട്ടിയത് ഒറ്റപ്പെട്ട സംഭവമാണെന്ന് പറഞ്ഞ് ക്വിന്റണ്‍ ഡി കോക്ക്. കഴിഞ്ഞ വര്‍ഷം ബാംഗ്ലൂരിനു വേണ്ടി കളിച്ചപ്പോള്‍ താരത്തിനെതിരെ കളിച്ച അനുഭവത്തില്‍ ബുംറ ലോകത്തിലെ ഏറ്റവും മികച്ച ബൗളറാണെന്നും അത് താരം തെളിയിച്ചിട്ടുള്ളതാണെന്നും പിന്നീട് മുംബൈയിലെത്തിയ ക്വിന്റണ്‍ ഡി കോക്ക് വ്യക്തമാക്കി. അത്തരം വലിയ താരങ്ങള്‍ക്കും ചില ദിവസങ്ങളില്‍ മോശം ഫോം പിടിപെട്ടേക്കാം. അതില്‍ വലിയ കാര്യമില്ലെന്നും അത് ഒറ്റപ്പെട്ട സംഭവമാണെന്നും ക്വിന്റണ്‍ ഡി കോക്ക് വ്യക്തമാക്കി.
ആദ്യ മത്സരത്തില്‍ പരാജയപ്പെട്ടുവെങ്കിലും തങ്ങള്‍ ശക്തമായിതന്നെ രണ്ടാം മത്സരത്തില്‍ തിരിച്ചുവരുമെന്നും ക്വിന്റണ്‍ വ്യക്തമാക്കി. എബി ഡി വില്ലയേഴ്സിന്റെ വിക്കറ്റ് എത്ര പെട്ടെന്ന് നേടുന്നുവോ അത്രയും പെട്ടെന്ന് മത്സരത്തില്‍ മുംബൈ സുരക്ഷിത സ്ഥാനത്തെത്തിയെന്നതാണ് സത്യാവസ്ഥയെന്ന് ക്വിന്റണ്‍ വ്യക്തമാക്കി. താരത്തെ പുറത്താക്കുവാനുള്ള പദ്ധതി തങ്ങള്‍ തയ്യാറാക്കിയിട്ടുണ്ട് അല്ലേല്‍ താരത്തിന്റെ ഭാഗത്ത് നിന്ന് എന്തെങ്കിലും പിശകുണ്ടാകുമെന്ന് പ്രതീക്ഷിക്കാമെന്നും ഡി കോക്ക് ആശിച്ചു.
