യുവേഫ വനിതാ ചാമ്പ്യൻസ് ലീഗിൽ ചെൽസി വനിതകൾ ഫൈനലിൽ. ഇന്നലെ പാരീസിൽ നടന്ന ക്വാർട്ടർ ഫൈനലിന്റെ രണ്ടാം പാദത്തിൽ പി എസ് ജിയോട് തോറ്റെങ്കിലും അഗ്രിഗേറ്റ് സ്കോറിൽ ചെൽസി സെമിയിൽ എത്തുകയായിരുന്നു. ആദ്യ പാദത്തിൽ ചെൽസി 2-0 എന്ന സ്കോറിന് വിജയിച്ചിരുന്നു. ഇന്നലെ രണ്ടാം പാദത്തിൽ പക്ഷെ ചെൽസി പതറി. നന്നായി കളിച്ച പി എസ് ജി ഒരു ഘട്ടത്തിൽ 2-0ന് മുന്നിൽ എത്തിയതായിരുന്നു. അതോട് അഗ്രിഗേറ്റ് സ്കോർ 2-2 എന്നായി.
കളി എക്സ്ട്രാ ടൈമിലേക്ക് പോകും എന്ന് തോന്നിച്ച സമയത്ത് ഇഞ്ച്വറി ടൈമിൽ നേടിയ ഗോളാണ് ചെൽസിയെ സെമിയിൽ എത്തിച്ച‌ത്. മരിയെൻ മയെൾഡ ആയിരുന്നു ആഗോൾ നേടിയത്. ഇതോടെ സ്കോർ 2-1 എന്നായി. അഗ്രിഗേറ്റിൽ ചെൽസി 3-2 എന്ന സ്കോറിന് സെമിയിലേക്ക് കടന്നു. സെമിയിൽ നിലവിലെ ചാമ്പ്യന്മാരായ ലിയോണിനെ ആണ് ചെൽസി നേരിടുക.
