ഇന്ത്യക്ക് വേണ്ടി സാഫ് കപ്പിൽ അത്ഭുത ഫ്രീ കിക്ക് നേടിയ താരം ദലിമ ചിബറിനെ സ്വന്തമാക്കാൻ ഗോകുലം കേരള എഫ് സി ഒരുങ്ങുന്നു. അടുത്ത മാസം നടക്കുമെന്ന് പ്രതീക്ഷിക്കുന്ന വനിതാ ഐലീഗിന് വേണ്ടി ഒരുങ്ങുന്നതിന്റെ ഭാഗമായാണ് ദലിമ ചിബറിനെ ഗോകുലം കേരള എഫ് സി സൈൻ ചെയ്യാൻ ശ്രമിക്കുന്നത്. താരവും ക്ലബുമായി അന്തിമ ചർച്ചകൾ നടക്കുന്നതായാണ് റിപ്പോർട്ടുകൾ.
നേപ്പാളിൽ നടന്ന സാഫ് കപ്പ് ഫൈനലിൽ ആയിരുന്നു റൊണാൾഡീനോയുടെ ഫ്രീകിക്കിനെ ഓർമ്മിപ്പിക്കുന്ന തരത്തിൽ ഉള്ള ഫ്രീകിക്ക് ഗോൾ ദലിമ നേടിയത്. സാമൂഹിക മാധ്യമങ്ങൾ വഴി ലോക ശ്രദ്ധ തന്നെ ഈ ഗോളിനായിരുന്നു. അന്ന് ആ കോളിന്റെ ബലത്തിൽ ഇന്ത്യ വിജയിക്കുകയും സാഫ് കിരീടം നേടുകയും ചെയ്തിരു‌ന്നു. ദലീമ ടൂർണമെന്റിലെ മികച്ച താരമായും മാറിയിരുന്നു.
A glimpse of my goal scored from a freekick yesterday against Nepal in the final match of the SAFF Championship, 2019.
.
.
.#Saffchampionship #ShePower #IndianFootball #Champions pic.twitter.com/6JehH0UAlb— Dalima Chhibber (@DalimaChhibber) March 23, 2019
കഴിഞ്ഞ തവണ വനിതാ ഐലീഗിൽ സെമി ഫൈനലിൽ എത്താൻ കഴിയാതെ മടങ്ങേണ്ടി വന്ന ഗോകുലം കേരള എഫ് സി ഇത്തവണ കിരീടം തന്നെ ആണ് ലക്ഷ്യം വെക്കുന്നത്. ഗോകുലം കേരള എഫ് സി മികച്ച ടീമിനെ തന്നെ അണിയറയിൽ ഒരുക്കുന്നുണ്ട്. വിദേശ താരങ്ങളെ ഉൾപ്പെടെ ടീമിൽ എത്തിക്കാൻ ഉള്ള അവസാന വട്ട ശ്രമത്തിലാണ് ഗോകുലം ഇപ്പോൾ ഉള്ളത്.
