ഈ ലോകത്തെ ഏറ്റവും മികച്ച ഫുട്ബോൾ താരം മെസ്സി ആണെന്ന് മാഞ്ചസ്റ്റർ യുണൈറ്റഡ് മിഡ്ഫീൽഡർ ആൻഡെർ ഹെരേര. ഫുട്ബോൾ ചരിത്രത്തിലെ തന്നെ ഏറ്റവും മികച്ച താരമാണ് മെസ്സി എന്നും മെസ്സിയുടെ സാന്നിദ്ധ്യം ബാഴ്സലോണയെ ഏറ്റവും മികച്ച ക്ലബാക്കി മാറ്റുന്നു എന്നും സ്പാനിഷ് മിഡ്ഫീൽഡർ പറഞ്ഞു. മെസ്സി ആണോ ക്രിസ്റ്റ്യാനോ ആണോ മികച്ചത് എന്ന ചോദ്യത്തിനായിരുന്നു ഹെരേരയുടെ മറുപടി.
താൻ രണ്ട് താരങ്ങൾക്ക് എതിരെയും കളിച്ചിട്ടുണ്ട് പക്ഷെ ആരും മെസ്സിക്ക് അടുത്ത് എത്തില്ല എന്ന് ഹെരേര പറഞ്ഞു. മുമ്പ് സ്പാനിഷ് ടീമായ അത്ലറ്റിക് ബിൽബാവോയ്ക്ക് കളിച്ച താരമായതിനാൽ റൊണാൾഡോയ്ക്കും മെസ്സിക്കും എതിരെ ഹെരേര നിരവധി തവണ കളിച്ചിട്ടുണ്ട്. ഈ സീസൺ ചാമ്പ്യൻസ് ലീഗ് ഗ്രൂപ്പ് ഘട്ടത്തിൽ റൊണാൾഡോയേയും ഹെരേര നേരിട്ടിരുന്നു. ഇനി ചാമ്പ്യൻസ് ലീഗ് ക്വാർട്ടറിൽ മെസ്സിയെ നേരിടാൻ ഇരിക്കുകയാണ് ഹെരേരയും മാഞ്ചസ്റ്റർ യുണൈറ്റഡും.
