ഫെഡറർ തന്റെ കരിയറിലെ അവസാന മത്സരത്തിൽ റാഫേൽ നദാലിനൊപ്പം ഇറങ്ങും. ലേവർ കപ്പിൽ നാളെ ഡബിളിസിൽ ആകും ടീം യൂറോപ്പിനായി നദാലും ഫെഡററും ഇറങ്ങുക. ഫിക്സ്ചർ ഇന്ന് സംഘാടകർ പുറത്തു വിട്ടു.
20 തവണ ഗ്രാൻഡ് സ്ലാം ചാമ്പ്യനായ താരം ആയ ഫെഡറർ ലേവർ കപ്പിൽ സിംഗിൾസിൽ കളിക്കില്ല എന്ന് നേരത്തെ പറഞ്ഞിരുന്നു. തന്റെ പ്രധാന എതിരാളിയായിരുന്ന നദാലിനെ ഒപ്പം ഇറങ്ങുന്നു എന്നത് ഒരു കാവ്യ നീതി ആകും.
കഴിഞ്ഞ വർഷത്തെ വിംബിൾഡൺ ക്വാർട്ടർ ഫൈനലിൽ ഹ്യൂബർട്ട് ഹർകാച്ചിനോട് തോറ്റ ശേഷം ഫെഡറർ ഇതുവരെ കളത്തിൽ ഇറങ്ങിയിട്ടില്ല. അന്ന് മുതൽ താരം പരിക്കുമായി മല്ലിടുകയായിരുന്നു.
