Tag: West Indies

ക്രിക്കറ്റ് വെസ്റ്റ് ഇൻഡീസ് റോസ്റ്റൺ ചേസിനെ പുരുഷന്മാരുടെ ടെസ്റ്റ് ടീമിന്റെ പുതിയ ക്യാപ്റ്റനായി നിയമിച്ചു. മാർച്ച് മാസത്തിൽ സ്ഥാനം ഒഴിഞ്ഞ ക്രെയ്ഗ് ബ്രാത്ത്‌വെയ്റ്റിന് പകരമായാണ് 33 കാരനായ ഓൾറൗണ്ടർ നേതൃത്വ സ്ഥാനത്തേക്ക് വരുന്നത്.

2023 മാർച്ചിൽ അവസാനമായി ടെസ്റ്റ് കളിച്ച ചേസിന് 49 ക്യാപുകൾ രാജ്യത്തിനായി ഉണ്ട്. ജോൺ കാംപ്ബെൽ, ടെവിൻ ഇംലാച്ച്, ജോഷ്വ ഡാ സിൽവ, ജസ്റ്റിൻ ഗ്രീവ്സ്, ജോമെൽ വാറിക്കൻ എന്നിവരുൾപ്പെട്ട ചുരുക്കപ്പട്ടികയിൽ നിന്നാണ് ചേസിനെ തിരഞ്ഞെടുത്തത്. വാറിക്കനെ വൈസ് ക്യാപ്റ്റനായി നിയമിച്ചു.

വെസ്റ്റ് ഇൻഡീസ് ഈ മാസം അവസാനം അയർലൻഡിലും ഇംഗ്ലണ്ടിലുമായി നടക്കുന്ന ആറ് മത്സരങ്ങളുടെ ഏകദിന പരമ്പരയ്ക്കുള്ള 15 അംഗ ടീമിനെ പ്രഖ്യാപിച്ചു. 2027 ലെ ഐസിസി പുരുഷന്മാരുടെ ക്രിക്കറ്റ് ലോകകപ്പ് മുന്നിൽ കണ്ടാണ് അവർ ഈ പരമ്പരയ്ക്ക് ഇറങ്ങുന്നത്.

ക്യാപ്റ്റൻ ഷായ് ഹോപ്പ് ടീമിനെ നയിക്കും. ബ്രാൻഡൻ കിംഗ്, കേസി കാർട്ടി, എവിൻ ലൂയിസ് എന്നിവരടങ്ങുന്ന പരിചയസമ്പന്നരായ കളിക്കാർ ടീമിലുണ്ട്. 19 വയസ്സുകാരനായ ജൂവൽ ആൻഡ്രൂ അണ്ടർ-19 ലോകകപ്പിലെ മികച്ച പ്രകടനത്തെത്തുടർന്ന് ടീമിൽ ഇടം നേടി. അതേസമയം, ഐപിഎല്ലിൽ കളിക്കുന്നതിനാൽ ഷിംറോൺ ഹെറ്റ്മെയർ ടീമിലില്ല.

കോച്ച് ഡാരൻ സമ്മിക്ക് ഒപ്പം പരിശീലക സംഘത്തിൽ മുൻ പേസർ രവി രാംപോൾ ബൗളിംഗ് കോച്ചായി ചേരും. അയർലൻഡ് പര്യടനത്തിൽ ഐറിഷ് ഇതിഹാസം കെവിൻ ഒബ്രിയാൻ ടീമിനെ സഹായിക്കും.

West Indies ODI squad: Shai Hope (c), Jewel Andrew, Keacy Carty, Roston Chase, Matthew Forde, Justin Greaves, Amir Jangoo, Alzarri Joseph, Shamar Joseph, Brandon King, Evin Lewis, Gudakesh Motie, Sherfane Rutherford, Jayden Seales, Romario Shepherd

Series schedule:

First ODI v Ireland: May 21, Dublin
Second ODI v Ireland: May 23, Dublin
Third ODI v Ireland: May 25, Dublin

First ODI v England: May 29, Birmingham
Second ODI v England: June 1, Cardiff
Third ODI v England: June 3, The Oval

വെസ്റ്റ് ഇൻഡീസിനെ 39 മത്സരങ്ങളിൽ നയിച്ചതിന് ശേഷം ക്രെയ്ഗ് ബ്രാത്‌വൈറ്റ് ടെസ്റ്റ് ക്യാപ്റ്റൻ സ്ഥാനം ഒഴിഞ്ഞതായി ക്രിക്കറ്റ് വെസ്റ്റ് ഇൻഡീസ് (സിഡബ്ല്യുഐ) തിങ്കളാഴ്ച സ്ഥിരീകരിച്ചു. 27 വർഷത്തിനിടെ ഓസ്‌ട്രേലിയയിൽ നേടിയ ആദ്യ ടെസ്റ്റ് വിജയം പോലെ ചരിത്ര നിമിഷങ്ങളിലേക്ക് ടീമിനെ നയിക്കുന്നതിൽ 32 കാരൻ നിർണായക പങ്ക് വഹിച്ചിരുന്നു.

വെസ്റ്റ് ഇൻഡീസ് ക്രിക്കറ്റിന് ബ്രാത്ത്‌വെയ്റ്റ് നൽകിയ സംഭാവനകൾക്ക് നന്ദി പറഞ്ഞുകൊണ്ട് സിഡബ്ല്യുഐ അദ്ദേഹത്തിന്റെ നേതൃത്വത്തെയും പ്രതിബദ്ധതയെയും പ്രശംസിച്ചു.

ഇതുകൂടാതെ വിക്കറ്റ് കീപ്പർ ബാറ്റ്സ്മാൻ ഷായ് ഹോപ്പിനെ (31) ഇപ്പോൾ ഏകദിന ക്യാപ്റ്റനെന്ന സ്ഥാനത്തിന് പുറമേ ടി20 ക്യാപ്റ്റനായും നിയമിച്ചു. 2023 മുതൽ ടി20 ടീമിനെ നയിച്ചിരുന്ന റോവ്മാൻ പവലിന് പകരക്കാരനായാണ് ഹോപ്പ് എത്തുന്നത്.

പരമ്പരയിലെ ആദ്യ ടി20യിൽ വെസ്റ്റ് ഇൻഡീസിനെ 7 റൺസിന് പരാജയപ്പെടുത്താൻ ബംഗ്ലാദേശിന് കഴിഞ്ഞു. ആദ്യം ബാറ്റു ചെയ്ത ബംഗ്ലാദേശ് 20 ഓവറിൽ 147/6 എന്ന സ്‌കോറാണ് നേടിയത്. സൗമ്യ സർക്കാർ 32 പന്തിൽ 43 റൺസുമായി മുന്നോട്ടു നയിച്ചപ്പോൾ, ഷമിം ഹൊസൈൻ 13 പന്തിൽ 27 റൺസ് നേടി. മഹേദി ഹസൻ 26 റൺസുമായി പുറത്താകാതെ നിന്നു. വെസ്റ്റ് ഇൻഡീസിന് വേണ്ടി രണ്ട് വിക്കറ്റ് വീതം വീഴ്ത്തിയ അകേൽ ഹൊസൈനും ഒബേദ് മക്കോയും മികച്ച ബൗളർമാരായി.

മറുപടി ബാറ്റിങ്ങിനിറങ്ങിയ വെസ്റ്റ് ഇൻഡീസ് കൂട്ടുകെട്ടുണ്ടാക്കാൻ പാടുപെടുകയും 19.5 ഓവറിൽ 140 റൺസിന് പുറത്താവുകയും ചെയ്തു. 35 പന്തിൽ നിന്ന് 60 റൺസ് നേടിയ റോവ്മാൻ പവലിൻ്റെ ബാറ്റിംഗ് പ്രകടനമാണ് ഏക ആശ്വാസമായത്‌. . മഹേദി ഹസൻ 13 റൺസ് മാത്രം വഴങ്ങി 4 വിക്കറ്റ് വീഴ്ത്തി, തസ്കിൻ അഹമ്മദ്, ഹസൻ മഹ്മൂദ് എന്നിവരും രണ്ട് വിക്കറ്റ് വീതം വീഴ്ത്തി. ബംഗ്ലാദേശിൻ്റെ ഓൾറൗണ്ട് പ്രകടനം അവർക്ക് ആവേശകരമായ വിജയം ഉറപ്പാക്കി, പരമ്പരയിൽ അവർ 1-0 ന് മുന്നിലെത്തി.

വെസ്റ്റിൻഡീസിൽ വെച്ച് ബംഗ്ലാദേശ് ഇതാദ്യമായാണ് വെസ്റ്റിൻഡീസിനെ ഒരു ടി20 മത്സരത്തിൽ തോൽപ്പിക്കുന്നത്.