Tag: Rohit Sharma

ന്യൂസിലൻഡിനെതിരായ 2025 ലെ ഐസിസി ചാമ്പ്യൻസ് ട്രോഫി ഫൈനലിൽ ഇന്ത്യയെ വിജയത്തിലേക്ക് നയിച്ചതിന് ശേഷം സംസാരിച്ച രോഹിത് ശർമ്മ താൻ ഏകദിന ക്രിക്കറ്റിൽ നിന്ന് വിരമിക്കുമെന്ന അഭ്യൂഹങ്ങൾ തള്ളിക്കളഞ്ഞു.

ദുബായിൽ ഇന്ത്യ നാല് വിക്കറ്റിന് വിജയിച്ചതിന് ശേഷം, രോഹിത് തന്റെ ഭാവി പദ്ധതികളെക്കുറിച്ച് സംസാരിച്ചു. “ഭാവി പദ്ധതികളൊന്നുമില്ല, കാര്യങ്ങൾ ഇതേപടി തുടരും. ഞാൻ ഈ ഫോർമാറ്റിൽ നിന്ന് വിരമിക്കാൻ പോകുന്നില്ല. മുന്നോട്ട് പോകുമ്പോൾ ഒരു അഭ്യൂഹങ്ങളും പ്രചരിക്കുന്നില്ലെന്ന് ഉറപ്പാക്കാൻ വേണ്ടി മാത്രം ആണ് ഈ ഉത്തരം പറയുന്നത്”

ഇന്ത്യയുടെ വിജയത്തിൽ രോഹിത് നിർണായക പങ്ക് വഹിച്ചു, 83 പന്തിൽ ഏഴ് ഫോറുകളും മൂന്ന് സിക്സറുകളും ഉൾപ്പെടെ 76 റൺസ് നേടി. ഈ വിജയം ഇന്ത്യയുടെ മൂന്നാമത്തെ ചാമ്പ്യൻസ് ട്രോഫി കിരീടമായി.

ഇന്ത്യയുടെ ടോസ് നിർഭാഗ്യം തുടരുന്നു. ഇന്ന് ചാമ്പ്യൻസ് ട്രോഫി ഫൈനലിലും ഇന്ത്യക്ക് ടോസ് നേടാൻ ആയില്ല. ഇത് തുടർച്ചയായ 15ആം ഏകദിനത്തിൽ ആണ് ഇന്ത്യക്ക് ടോസ് നഷ്ടമാകുന്നത്. രോഹിത് ശർമ്മ മാത്രം തുടർച്ചയായി 12 ടോസുകൾ അണ് പരാജയപ്പെട്ടത്.

ചാമ്പ്യൻസ് ട്രോഫി ഫൈനലിൽ ടോസ് നേടിയ ന്യൂസിലൻഡ് ആദ്യം ബാറ്റ് ചെയ്യാൻ തീരുമാനിച്ചു. ടോസ് നേടിയ ക്യാപ്റ്റൻ ബാറ്റിങ് ആണ് അവർക്ക് ഗുണം ചെയ്യുക എന്ന് വിശ്വസിക്കുക ആയിരുന്നു‌. പാകിസ്താനെതിരെ ഇന്ത്യ കളിച്ച പിച്ചിൽ ആണ് ഇന്ന് ഫൈനൽ നടക്കുന്നത്.

ന്യൂസിലൻഡ് ടീമിൽ മാറ്റ് ഹെൻറി ഇല്ല പകരം സ്മിത്ത് ആണ് കളിക്കുന്നത്. ഇന്ത്യൻ ടീമിൽ മാറ്റമില്ല.

ചാമ്പ്യൻസ് ട്രോഫി ഫൈനലിന് ശേഷം ഏകദിനത്തിൽ നിന്ന് രോഹിത് ശർമ്മ വിരമിക്കുമെന്ന അഭ്യൂഹങ്ങൾക്ക് മറുപടി നൽകി ഇന്ത്യൻ വൈസ് ക്യാപ്റ്റൻ ശുഭ്മാൻ ഗിൽ. ദുബായിൽ നടന്ന പ്രീ-ഫൈനൽ പത്രസമ്മേളനത്തിൽ, രോഹിത് തൻ്റെ വിരമിക്കൽ പദ്ധതികളെക്കുറിച്ച് ടീമുമായി ചർച്ച ചെയ്തിട്ടില്ലെന്ന് ഗിൽ പറഞ്ഞു, ന്യൂസിലൻഡിനെതിരായ വിജയം ഉറപ്പാക്കുന്നതിൽ മാത്രമാണ് ക്യാപ്റ്റൻ്റെ ശ്രദ്ധയെന്ന് ഗിൽ ഊന്നിപ്പറഞ്ഞു.

“ഞങ്ങൾ വിരമിക്കലിനെ കുറിച്ച് ചർച്ച ചെയ്തിട്ടില്ല. എല്ലാ സംഭാഷണങ്ങളും ചർച്ചകളും മത്സരം ജയിക്കുന്നതിനെക്കുറിച്ചാണ്. ടീമുമായോ എന്നോടോ അദ്ദേഹം ഇതേക്കുറിച്ച് സംസാരിച്ചിട്ടില്ല. ചാമ്പ്യൻസ് ട്രോഫി നേടുന്നതിലാണ് അദ്ദേഹം ശ്രദ്ധ കേന്ദ്രീകരിക്കുന്നതെന്ന് ഞാൻ കരുതുന്നു.” ഗിൽ പറഞ്ഞു.

2025 ലെ ഐസിസി ചാമ്പ്യൻസ് ട്രോഫിയിൽ ഇന്ത്യയും പാകിസ്ഥാനും നേർക്കുനേർ വരാനിരിക്കുന്നതിന് മുമ്പ് രോഹിത് ശർമ്മയെ പ്രശംസിച്ച് ഇതിഹാസ താരം യുവരാജ് സിംഗ് രംഗത്ത്. പാകിസ്താനെതിരെ രോഹിത് ശർമ്മ നിർണായക പ്രകടനം കാഴ്ചവയ്ക്കുമെന്ന് യുവരാജ് പറഞ്ഞു.

“രോഹിത് ശർമ്മ, ഫോമിലായാലും ഇല്ലെങ്കിലും ഞാൻ അദ്ദേഹത്തെ പിന്തുണക്കും. അദ്ദേഹം ഒരു മാച്ച് വിന്നർ ആണ്. ഏകദിന ക്രിക്കറ്റിൽ, വിരാട് കോഹ്‌ലിക്കൊപ്പം, അദ്ദേഹം ഇന്ത്യയുടെ ഏറ്റവും വലിയ മാച്ച് വിന്നറാണ്. രോഹിത് സ്ഥിരതയ്ക്ക് ആയി ബുദ്ധിമുട്ടുന്നുണ്ടെങ്കിലും അദ്ദേഹം റൺസ് നേടുന്നുണ്ടെങ്കിൽ, അത് എതിർ ടീമിന് അപകടകരമായിരിക്കു.” യുവരാജ് പറഞ്ഞു.

“അദ്ദേഹം ഫോമിലാണെങ്കിൽ, 60 പന്തിൽ സെഞ്ച്വറി നേടും. അതാണ് അദ്ദേഹത്തിന്റെ ഗുണം – അദ്ദേഹം കളിക്കാൻ തുടങ്ങിയാൽ, വെറും ഫോറുകൾ അടിക്കുക മാത്രമല്ല; സിക്സറുകൾ ഉപയോഗിച്ച് അദ്ദേഹം റോപ്പ് ക്ലിയർ ചെയ്യുന്നു. ഷോർട്ട് ബോളിലെ ഏറ്റവും മികച്ച കളിക്കാരിൽ ഒരാളാണ് അദ്ദേഹം. ആരെങ്കിലും 145-150 കിലോമീറ്റർ വേഗതയിൽ പന്തെറിഞ്ഞാലും, അത് അനായാസമായി ഹുക്ക് ചെയ്യാനുള്ള കഴിവ് രോഹിതിനുണ്ട്. അദ്ദേഹത്തിന്റെ സ്ട്രൈക്ക് റേറ്റ് എല്ലായ്പ്പോഴും 120-140 നും ഇടയിലാണ്, അദ്ദേഹത്തിന് ഒറ്റയ്ക്ക് നിങ്ങളെ കളി ജയിപ്പിക്കാൻ കഴിയും,” യുവരാജ് ജിയോ ഹോട്ട്സ്റ്റാറിൽ പറഞ്ഞു.

ബരാബതി സ്റ്റേഡിയത്തിൽ നടന്ന രണ്ടാം ഏകദിനത്തിൽ ഇംഗ്ലണ്ടിനെതിരെ നാല് വിക്കറ്റ് ജയം നേടി ഇന്ത്യ 2-0 ന് പരമ്പര നേടി. ഫെബ്രുവരി 19 ന് ആരംഭിക്കുന്ന ചാമ്പ്യൻസ് ട്രോഫിക്ക് മുന്നോടിയായി രോഹിത്തിന്റെ 119 റൺസ് നേടിയ പ്രകടനം ടീമിന് ആത്മവിശ്വാസം പകർന്നു ർന്ന് ജഡേജ പറഞ്ഞു.

മൂന്ന് വിക്കറ്റുകൾ വീഴ്ത്തിയ ഓൾറൗണ്ടർ രവീന്ദ്ര ജഡേജ, ഒരു പ്രധാന ടൂർണമെന്റിന് മുമ്പ് രോഹിത് ഒരു വലിയ സ്കോർ നേടിയത് ടീമിന് കരുത്താകും എന്ന് പറഞ്ഞു. 16 മാസത്തിന് ശേഷമാണ് ഇന്ത്യൻ ക്യാപ്റ്റൻ ഒരു ഏകദിന സെഞ്ച്വറി നേടുന്നത്. രോഹിത് കൂടെ ഫോമിൽ ആയതോടെ ഇനി കോഹ്ലിയുടെ ഫോമിൽ മാത്രമാണ് ഇന്ത്യക്ക് ആശങ്ക.