2 ദിവസത്തെ തർക്കങ്ങൾക്കും നീണ്ട ചർച്ചകൾക്കും ഒടുവിൽ ചെൽസി താരം നിക്കോളാസ് ജാക്സൺ ഒടുവിൽ ബയേൺ മ്യൂണിക് താരമാവും എന്നു ഏതാണ്ട് ഉറപ്പായി. നേരത്തെ ലോൺ അടിസ്ഥാനത്തിൽ താരത്തെ സ്വന്തമാക്കാൻ ജർമ്മൻ ചാമ്പ്യൻമാർ ചെൽസിയും ആയി ധാരണയിൽ എത്തിയത് ആയിരുന്നു. എന്നാൽ ഡിലാപ്പിന് പരിക്കേറ്റതോടെ ചെൽസി താരത്തെ തിരിച്ചു വിളിച്ചു. എന്നാൽ മെഡിക്കലിന് പോയ താരവും ഏജന്റും മ്യൂണിക്കിൽ നിന്നു തിരിച്ചു വരാൻ വിസമ്മതിച്ചതോടെ കാര്യങ്ങൾ വഷളായി.
തുടർന്ന് നടന്ന ചർച്ചകൾക്ക് ഒടുവിൽ 16.5 മില്യൺ യൂറോ ലോൺ തുകയായി നൽകിയാണ് ജാക്സനെ ബയേൺ ടീമിൽ എത്തിക്കുന്നത്. ഒപ്പം അടുത്ത സീസണിൽ താരത്തെ നിർബന്ധമായും ബയേൺ 65 മില്യൺ യൂറോ നൽകി സ്വന്തമാക്കുകയും വേണം. സ്ഥിര കരാർ ഒപ്പ് വെച്ച ശേഷം ബയേണും ആയി അഞ്ചു വർഷത്തെ കരാറിന് ജാക്സൺ ധാരണയിലും എത്തിയിട്ടുണ്ട്. 24 കാരനായ ജാക്സൺ 2023 ൽ വിയ്യറയലിൽ നിന്നാണ് ചെൽസിയിൽ എത്തിയത്. ചെൽസിക്ക് ആയി 81 കളികളിൽ നിന്നു 30 ഗോളുകളും താരം നേടിയിട്ടുണ്ട്.
