ലാസ് വേഗാസില് നടന്ന WBA ലോക വെള്ട്ടര്വെയിറ്റ് കിരീടപ്പോരാടത്തില് വിജയം കുറിച്ച് കിരീടം നിലനിര്ത്തി മാന്നി് പാക്വിയാവോ. നാല്പതാം വയസ്സിലെത്തി നില്ക്കുന്ന മാന്നിയുടെ എഴുപതാം മത്സരത്തിലാണ് ഇന്നലെ ഇറങ്ങിയത്. തന്നെക്കാളെ 11 വയസ്സ് പ്രായം കുറവുള്ള അമേരിക്കയുടെ അഡ്രിയാന് ബ്രോണറെയാണ് പോയിന്റുകളുടെ ആനുകൂല്യത്തില് മാന്നി കീഴടക്കിയത്.
117-111, 116-112, 116-112 എന്ന സ്കോറിനു മാന്നിയ്ക്ക് അനുകൂലമായാണ് ജഡ്ജുമാര് മത്സരത്തിന്റെ വിധിയെഴുത്ത് നടത്തിയത്.
അര്ജന്റീന താരം ലൂക്കാസ് മത്തൈസിനെ ഏഴ് റൗണ്ട് പോരാട്ടത്തില് കീഴടക്കി ഡബ്ല്യുബിഎ വെള്ട്ടര്വെയിറ്റ് ടൈറ്റില് സ്വന്താക്കി ഫിലിപ്പൈന്സിന്റെ മാന്നി പാക്വിയാവോ. ഇന്നലെ നടന്ന മത്സരത്തില് മൂന്ന് തവണയാണ് മാന്നി ലൂക്കാസിനെ ഇടിച്ചിട്ടത്. മൂന്നാം റൗണ്ടിലും അഞ്ചാം റൗണ്ടിലും അര്ജന്റീന താരം റിംഗില് വീണുവെങ്കിലും റഫറിയുടെ ഇടപെടലില് മത്സരത്തിലേക്ക് തിരികെ എത്തുകയായിരുന്നു. എന്നാല് ഏഴാം റൗണ്ടില് ലൂക്കാസിനെ ഇടിച്ചിട്ട് മാന്നി തന്റെ കരിയറിലെ 60ാം വിജയം സ്വന്തമാക്കി.
ഇതുവരെ 39 വയസ്സുകാരന് മാന്നി പാക്വിയാവോ 7 തോല്വിയും രണ്ട് സമനിലകളുമാണ് തന്റെ അക്കൗണ്ടിലുള്ളത്. തനിക്ക് എതിരാളിയെ വളരെ വേഗത്തില് നോക്ക്ഔട്ട് ചെയ്യാന് സാധിച്ചതില് അത്ഭുതമുണ്ടെന്നാണ് താരം മത്സരം ശേഷം പറഞ്ഞത്. എട്ട് വിവിധ വെയിറ്റ് വിഭാഗത്തില് ലോക ചാമ്പ്യന് എന്ന ബഹുമതി കൂടി ഇന്നലത്തെ വിജയം മാന്നിയ്ക്ക് നല്കി.
കൂടുതൽ കായിക വാർത്തകൾക്ക് : www.facebook.com/FanportOfficial
