മലേഷ്യ ഓപ്പണ് പുരുഷ വിഭാഗം സിംഗിള്സ് കിരീടം നേടി മലേഷ്യയുടെ ചോംഗ് വീ ലീ. ജപ്പാന്റെ കെന്റോ മോമോട്ടയെ നേരിട്ടുള്ള ഗെയിമുകളിലാണ് ലീ പരാജയപ്പെടുത്തിയത്. ആദ്യ ഗെയിം 21-17നു നേടിയ ലീയ്ക്കെതിരെ രണ്ടാം ഗെയിമില് അവസാനം വരെ പൊരുതുവാന് ജപ്പാന് താരത്തിനു കഴിഞ്ഞുവെങ്കിലും ആ ഗെയിമും ലീ 23-21 എന്ന സ്കോറിനു സ്വന്തമാക്കി.
71 മിനുട്ട് നീണ്ട പോരാട്ടത്തിനൊടുവിലാണ് ലീയുടെ കിരീടധാരണം. കഴിഞ്ഞ 21 മത്സരങ്ങളായി പരാജയമറിയാതെ നില്ക്കുകയായിരുന്ന കെന്റോയെയാണ് ഇന്ന് ലീ പരാജയപ്പെടുത്തിയത്.
കൂടുതൽ കായിക വാർത്തകൾക്ക് : www.facebook.com/FanportOfficial
