റിസ്വാൻ അലിയെ മലപ്പുറം എഫ് സി സ്വന്തമാക്കി
മുൻ കേരള ബ്ലാസ്റ്റേഴ്സ് താരം റിസ്വാൻ അലി ഇനി സൂപ്പർ ലീഗ് കേരള ക്ലബായ മലപ്പുറം എഫ് സിയിൽ. വിംഗറെ സ്വന്തമാക്കിയതായി മലപ്പുറം എഫ് സി ഇന്ന് ഔദ്യോഗികമായി അറിയിച്ചു. അവസാന സീസണിൽ കേരള യുണൈറ്റഡിനായാണ് 27കാരനായ താരം കളിച്ചത്. അവർക്ക് ഒപ്പം കേരള പ്രീമിയർ ലീഗ് കിരീടവും നേടിയിരുന്നു.
മിഡ്ഫീൽഡറായ താരം ഗോകുലം കേരള, ചെന്നൈ സിറ്റി, കേരള ബ്ലാസ്റ്റേഴ്സ് റിസേർവ് , സൗത്ത് യുണൈറ്റഡ് ബാംഗ്ലൂർ, സിറ്റി അത്ലറ്റികോ കൊൽക്കത്ത എന്നീ പ്രമുഖ ടീമുകൾക്ക് വേണ്ടി മുമ്പ് ബൂട്ട് കെട്ടിയിട്ടുണ്ട്.
കണ്ണൂർ യൂണിവേഴ്സിറ്റി ക്യാപ്റ്റൻ സ്ഥാനം അലങ്കരിച്ച് 2018 ഓൾ ഇന്ത്യ യൂണിവേഴ്സിറ്റി ടൂർണമെന്റിൽ മികച്ച താരമായും തിരഞ്ഞെടുക്കപ്പെട്ടിട്ടുണ്ട്.