ഇന്ത്യൻ ബോക്സർ നിശാന്ത് ദേവ് വരാനിരിക്കുന്ന പാരീസ് ഒളിമ്പിക്സിൽ സ്ഥാനം ഉറപ്പിച്ചു. വെള്ളിയാഴ്ച തായ്ലൻഡിലെ ബാങ്കോക്കിൽ നടന്ന ലോക ഒളിമ്പിക് ബോക്സിംഗ് യോഗ്യതാ ക്വാർട്ടർ ഫൈനലിൽ മോൾഡോവൻ ബോക്സർ വാസിലി സെബോട്ടരിയെ തോൽപ്പിച്ചാണ് യോഗ്യത ഉറപ്പിച്ചത്. 5:0ന് ആയിരുന്നു വിജയം.
ലോക ചാമ്പ്യൻഷിപ്പിലെ വെങ്കല മെഡൽ ജേതാവ് ആണ് നിശാന്ത് ദേവ്. പാരീസ് ഒളിമ്പിക്സിൽ ടീം ഇന്ത്യക്കായി ബർത്ത് ഉറപ്പിക്കുന്ന ആദ്യ പുരുഷ ബോക്സറാണ് നിശാന്ത്. മൂന്ന് വനിതാ താരങ്ങൾ ഇതിനകം യോഗ്യത നേടിയിട്ടുണ്ട്. നിഖാത് സരീൻ (50 കിലോഗ്രാം), പ്രീതി സായ് പവാർ (54 കിലോഗ്രാം), ലോവ്ലിന ബോർഗോഹെയ്ൻ (75 കിലോഗ്രാം) എന്നിവരാണ് യോഗ്യത നേടിയ വനിതാ താരങ്ങൾ.
71 കിലോഗ്രാം വിഭാഗത്തിൽ ആകും ഇരുപത്തിമൂന്നുകാരനായ നിശാന്ത്, 2024 പാരീസ് ഒളിമ്പിക്സിൽ മത്സരിക്കുക.