ഇന്ത്യൻ ടേബിൾ ടെന്നീസ് താരം ഹർമീത് ദേശായി പാരീസ് 2024 ഒളിമ്പിക്സിലെ പുരുഷ സിംഗിൾസ് ഇനത്തിൻ്റെ പ്രാഥമിക റൗണ്ടിൽ മികച്ച പ്രകടനം കാഴ്ചവച്ചു. ഇന്ന് നടന്ന മത്സരത്തിൽ ദേശായി ജോർദാൻ്റെ സായിദ് അബോ യമാനെ തോൽപ്പിച്ചു. 11-7, 11-9, 11-5, 11-5 എന്ന സ്കോറിന് നേരിട്ടുള്ള സെറ്റുകൾക്ക് ആയിരുന്നു ഹർമീതിന്റെ വിജയം.
മത്സരത്തിലുടനീളം അസാധാരണമായ കഴിവും ആധിപത്യവും ഇന്ത്യൻ താരം പുലർത്തി. ഈ വിജയത്ത് റൗണ്ട് ഓഫ് 64ലേക്ക് ഹർമീതിനെ എത്തിച്ചു. ഇന്ന് പൊതുവെ നിരാശയാർന്ന ദിവസത്തിൽ ഇന്ത്യക്ക് ഈ വിജയം ഊർജ്ജവും പ്രതീക്ഷയും നൽകും.