Category: Chess

റഷ്യ ഉക്രൈൻ യുദ്ധത്തിന് ഇടയിൽ റഷ്യക്ക് അനുകൂലമായ പ്രസ്താവന നടത്തിയ റഷ്യൻ ഗ്രാന്റ് മാസ്റ്റർ സെർജിയെ കർജകിനെ ആറു മാസത്തേക്ക് വിലക്കി അന്താരാഷ്ട്ര ചെസ് ഫെഡറേഷൻ. ഉക്രൈന്റെ ക്രീമിയയിൽ ജനിച്ച സെർജിയെ 2009 വരെ ഉക്രൈനെ പ്രതിനിധീകരിച്ച താരം കൂടിയാണ്. വർഷങ്ങൾ ആയി റഷ്യൻ പ്രസിഡന്റ് വ്ലാഡിമർ പുടിന് കടുത്ത പിന്തുണ നൽകി വന്ന വ്യക്തി കൂടിയാണ് സെർജിയെ.

32 കാരനായ താരം കഴിഞ്ഞ കുറെ ദിവസങ്ങളായി സാമൂഹിക മാധ്യമങ്ങൾ വഴി റഷ്യയുടെ ഉക്രൈൻ അധിനിവേശം ന്യായീകരിച്ചു രംഗത്ത് വന്നത് കടുത്ത വിമർശനം ക്ഷണിച്ചു വരുത്തിയിരുന്നു. 2016 ൽ ലോക ചാമ്പ്യൻ മാഗ്നസ് ക്ലാസനോട് ലോക കിരീടത്തിനു ആയി പോരാടിയ താരം കൂടിയാണ് സെർജിയെ. താരം ഫെഡറേഷൻ നിയമങ്ങൾ ലംഘിച്ചു എന്നാണ് ഫെഡറേഷൻ പറഞ്ഞത്. അതേസമയം റഷ്യൻ അനുകൂല നിലപാട് എടുത്ത മറ്റൊരു റഷ്യൻ ഗ്രാന്റ് മാസ്റ്റർ സെർജിയെ ഷിപ്പോവിനു വിലക്ക് ഇല്ല. താരത്തിന്റെ പരാമർശം വലിയ പ്രകോപനം സൃഷ്ടിക്കുന്നതല്ല എന്നാണ് ചെസ് ഫെഡറേഷൻ വ്യക്തമാക്കിയത്.

ലോക ഒന്നാം നമ്പർ ചെസ് താരവും നോർവീജിയൻ സൂപ്പർ താരവും ആയ മാഗ്നസ് ക്ലാസനെ തോൽപ്പിച്ച ഇന്ത്യയുടെ പതിനാറുകാരൻ ഗ്രാന്റ് മാസ്റ്റർ ആർ.പ്രഗ്നനന്തക്ക് അഭിനന്ദനങ്ങൾ നേർന്നു ഇന്ത്യൻ ഇതിഹാസം സച്ചിൻ തെണ്ടുൽക്കർ. എയർതിങ് മാസ്റ്റേഴ്സ് ഓൺലൈൻ റാപിഡ് ചെസ് ടൂർണമെന്റിൽ ആണ് ഇന്ത്യൻ താരം ക്ലാസനെ ഞെട്ടിച്ചത്. ക്ലാസനെ തോൽപ്പിക്കുന്ന ഇന്ത്യയിൽ നിന്നുള്ള വെറും മൂന്നാമത്തെ താരമാണ് പ്രഗ. മുമ്പ് ഇന്ത്യൻ ചെസ് ഇതിഹാസം വിശ്വനാഥൻ ആനന്ദ്, പി ഹരികൃഷ്ണ എന്നിവർ ആണ് ലോക ഒന്നാം നമ്പർ താരത്തെ തോൽപ്പിച്ച ഇന്ത്യക്കാർ.

ക്ലാസന്റെ മൂന്നു മത്സരങ്ങളുടെ വിജയകുതിപ്പിന് ആണ് താരം അന്ത്യം കുറിച്ചത്. കറുത്ത കരുക്കൾ ഉപയോഗിച്ച് ആണ് ഇന്ത്യൻ താരത്തിന്റെ ജയം എന്നത് വിജയത്തിന്റെ മാറ്റ് കൂട്ടുന്നുണ്ട്. ക്ലാസനെ തോൽപ്പിക്കാൻ ആയതിൽ ഇന്ത്യൻ താരം സന്തോഷം പ്രകടിപ്പിച്ചു. കറുത്ത കരുക്കൾ ഉപയോഗിച്ച് 16 മത്തെ വയസ്സിൽ ക്ലാസനെ പോലൊരാളെ തോൽപ്പിച്ച നേട്ടം മാന്ത്രികം എന്നാണ് സച്ചിൻ പറഞ്ഞത്. താരം ഇന്ത്യക്ക് അഭിമാനം ആണ് നൽകിയത് എന്നു പറഞ്ഞ സച്ചിൻ ഒപ്പം താരത്തിന് മികച്ച ഒരു ചെസ് കാര്യരും ആശംസിച്ചു. താരത്തെ അഭിനന്ദിച്ചു വിശ്വനാഥൻ ആനന്ദ്, ഒറീസ മുഖ്യമന്ത്രി നവീൻ പട്നായിക് എന്നിവർ അടക്കം മറ്റു പ്രമുഖരും രംഗത്ത് വന്നിരുന്നു.