ലോക അത്ലറ്റിക് ചാമ്പ്യൻഷിപ്പിൽ പുരുഷന്മാരുടെ 4×400 മീറ്റർ റിലെയിൽ ഏഷ്യൻ റെക്കോർഡ് കുറിച്ചു ഫൈനലിലേക്ക് മുന്നേറി ഇന്ത്യൻ ടീം. മലയാളി താരങ്ങൾ അടക്കം അടങ്ങുന്ന മുഹമ്മദ് അനസ് യഹിയ, അമോജ് ജേക്കബ്, മുഹമ്മദ് അജ്മൽ, രാജേഷ് രമേശ് എന്നിവർ അടങ്ങുന്ന ടീം ആണ് ചരിത്രം സൃഷ്ടിച്ചത്.
തങ്ങളുടെ ഹീറ്റ്സിൽ അമേരിക്കക്ക് പിന്നിൽ രണ്ടാമത് ആയ ഇന്ത്യൻ ടീം 2 മിനിറ്റ് 59.05 സെക്കന്റ് സമയം കുറിച്ചാണ് പുതിയ ഏഷ്യൻ റെക്കോർഡ് സ്ഥാപിച്ചത്. ചരിത്രത്തിൽ ഇത് ആദ്യമായാണ് ഈ ഇനത്തിൽ പുരുഷ ടീം ലോക ചാമ്പ്യൻഷിപ്പ് ഫൈനലിൽ എത്തുന്നത്. നാളെ നടക്കുന്ന ഫൈനലിൽ ഇതിലും മികച്ച പ്രകടനം നടത്താൻ ആവും ഇന്ത്യൻ ടീമിന്റെ ശ്രമം.