ഏഷ്യൻ പാരാ ഗെയിംസിൽ ഇന്ത്യ മെഡൽ കൊയ്യുന്നു. പുരുഷന്മാരുടെ ഹൈജമ്പ് T47 ഇനത്തിൽ നിഷാദ് കുമാർ ഇന്ത്യയ്ക്കായി മൂന്നാം സ്വർണം നേടി. 2.02 മീറ്റർ വിസ്മയകരമായ ചാട്ടത്തോടെ കുമാർ സ്വർണ്ണം നേടുകയും ഒപ്പം ഗെയിംസ് റെക്കോർഡ് സ്ഥാപിക്കുജയും ചെയ്തു.
1.94 മീറ്റർ ചാടി രാംപാൽ അതേ ഇനത്തിൽ വെള്ളി മെഡലും ഉറപ്പിച്ചു. നേരത്തെ ഹൈജമ്പ് T63യിൽ ഇന്ത്യ സ്വർണ്ണം ഉൾപ്പെടെ മൂന്ന് മെഡലുകൾ നേടിയിരുന്നു. ക്ലബ് ത്രോ ഇനത്തിലും ഇന്ത്യ മെഡൽ തൂത്തുവാരി. ഇന്ത്യക്ക് ഇപ്പോൾ ആകെ 10 മെഡലുകൾ ആയി. 3 സ്വർണ്ണം, 5 വെള്ളി, 2 വെങ്കലം എന്നിവയാണ് ഇന്ത്യ ഇതുവരെ നേടിയത്.