Category: Asian Para Games

ഏഷ്യൻ പാരാ ഗെയിംസിൽ ഇന്ത്യക്ക് ഒരു മെഡൽ കൂടെ. 400 മീറ്ററിൽ ദിലീപ് ആണ് ഇന്ത്യക്ക് ആയി സ്വർണ്ണം നേടിയത്. പുരുഷൻമാരുടെ 400 മീറ്റർ ടി47 ഇനത്തിൽ ആയിരുന്നു സ്വർണ്ണം. 49.48 സെക്കൻഡിൽ ഓടിയെത്തി ദിലീപ് ഗാവിറ്റ് ഒന്നാം സ്ഥാനം ഉറപ്പിച്ചു‌. അത്ലറ്റിക്സിലെ ഇന്ത്യയുടെ ഏഴാം സ്വർണ്ണം ആണിത്. ആകെ 55 മെഡലുകൾ ഇന്ത്യ അത്കറ്റിക്സിൽ മാത്രം നേടി.

100നു മുകളിൽ ആകെ മെഡലുകളും ഇന്ത്യ നേടി. ഇന്ത്യ ഇത് ആദ്യമായാണ് ഏഷ്യൻ പാരാ ഗെയിംസിൽ 100ൽ അധികം മെഡലുകൾ നേടുന്നത്. 29 സ്വർണ്ണം, 31 വെള്ളി, 49 വെങ്കലം എന്നിങ്ങനെ 109 മെഡലുകൾ ആണ് ഇന്ത്യ ഇതുവരെ നേടിയത്.

ഇന്ത്യ ഏഷ്യൻ പാരാ ഗെയിംസിൽ 100 മെഡലുകൾ എന്ന നാഴികകല്ലും പിന്നിട്ടു. ഇന്ന് രാവിലെ ജാവലിൻ ത്രോയിൽ നീരജ് യാദവ് ഇന്ത്യക്കായി ഇന്ത്യയുടെ 27-ാം സ്വർണം നേടി. പുരുഷന്മാരുടെ ജാവലിൻ ത്രോ F55 ഇനത്തിൽ 33.69 മീറ്റർ എറിഞ്ഞ് ആണ് നീരജ് സ്വർണ്ണം നേടിയത്. പുതിയ ഗെയിംസ് റെക്കോർഡ് ത്രോയുമായാണ് നീരജ് യാദവ് സ്വർണ്ണം നേടിയത്.

30.36 മീറ്റർ എറിഞ്ഞ് തെക് ചന്ദ് ഇന്ത്യക്ക് ആയി ഇതേ ഇനത്തിൽ വെങ്കലവും നേടി. ഇന്ത്യ ഇത് ആദ്യമായാണ് ഏഷ്യൻ പാരാ ഗെയിംസിൽ 100ൽ അധികം മെഡലുകൾ നേടുന്നത്. 27 സ്വർണ്ണം, 30 വെള്ളി, 47 വെങ്കലം എന്നിങ്ങനെ 104 മെഡലുകൾ ആണ് ഇന്ത്യ ഇതുവരെ നേടിയത്.

ഏഷ്യൻ പാരാ ഗെയിംസിൽ ഇന്ത്യ സ്വർണ്ണ വേട്ട തുടരുന്നു. ലോംഗ് ജമ്പിലൂടെ ഇന്ത്യ ഇന്ന് അവരുടെ 25-ാം സ്വർണ്ണം സ്വന്തമാക്കി. ലോംഗ് ജംപിൽ T64 വിഭാഗത്തിൽ സോളൈരാജ് ധരംരാജ് ആണ് സ്വർണം നേടിയത്. സോളൈരാജ് 6.84 മീറ്റർ ചാടി പുതിയ റെക്കോർഡ് സൃഷ്ടിച്ച് ആണ് സ്വർണ്ണത്തിലേക്ക് എത്തിയത്.

ഈ മെഡലോടെ ഇന്ത്യക്ക് ചൈനയിൽ ആകെ 98 മെഡലുകൾ ആയി. ഇന്ത്യ ഇതുവരെ ഏഷ്യൻ പാരാ ഗെയിംസിൽ 100 മെഡലുകളിൽ എത്തിയിട്ടില്ല. 25 സ്വർണ്ണം, 29 വെള്ളി, 44 വെങ്കലം എന്നിവയാണ് ഇന്ത്യ നേടിയത്.

ഏഷ്യൻ ഗെയിംസിൽ ഇന്ത്യക്ക് പതിനെട്ടാം സ്വർണ്ണം. ഇന്ന് ഇന്ത്യയുടെ ശീതൾ ദേവിയുടെയും രാകേഷ് കുമാറിന്റെയും ടീം അമ്പെയ്ത്ത് മിക്‌സഡ് ടീം കോമ്പൗണ്ട് ഇനത്തിൽ ആണ് സ്വർണ്ണം നേടിയത്‌. അമ്പെയ്ത്തിലെ ഇന്ത്യയുടെ ആദ്യ സ്വർണ്ണം ആണിത്. ചൈനയെ 151-149 എന്ന സ്‌കോറിന് പരാജയപ്പെടുത്തിയാണ് ടീം സ്വർണം നേടിയത്.

ഇന്ത്യക്ക് ഇതോടെ ആകെ 78 മെഡലുകൾ ആയി. 18 സ്വർണ്ണവും 21 വെള്ളിയും 39 വെങ്കലവും ആണ് ഇന്ത്യ ഇതുവരെ നേടിയത്.

എഷ്യൻ പാരാ ഗെയിംസിൽ ഇന്ത്യക്ക് ഒരു സ്വർണ്ണം കൂടെ. റെക്കോർഡ് പ്രകടനത്തോടെ ഇന്ത്യൻ ഷൂട്ടർ സിദ്ധാർത്ഥ ബാബു ആണ് സ്വർണ്ണം നേടിയത്. R6 മിക്സഡ് 50 മീറ്റർ റൈഫിൾസ് പ്രോൺ SH-1 ൽ ആണ് സ്വർണം ഉറപ്പിച്ചത്‌. 247.7 എന്ന ശ്രദ്ധേയമായ സ്കോറോടെ പുതിയ ഏഷ്യൻ പാരാ ഗെയിംസ് റെക്കോർഡ് അദ്ദേഹം സ്ഥാപിച്ചു. ഇതോടെ പാരീസ് 2024 പാരാലിമ്പിക്‌സ് ക്വാട്ടയും അദ്ദേഹം ഉറപ്പിച്ചു.

ഇന്ത്യയുടെ 17ആം സ്വർണ്ണമാണിത്. 17 സ്വർണ്ണവും 20 വെള്ളിയും 34 വെങ്കലവുമായി 71 മെഡലുകൾ ഇന്ത്യ ഇതിനകം നേടി കഴിഞ്ഞു.

ഏഷ്യൻ പാരാ ഗെയിംസിൽ ഇന്ത്യ പതിനാറാം സ്വർണ്ണം നേടി. കഴിഞ്ഞ തവണത്തെ റെക്കോർഡ് ആയ 15 സ്വർണ്ണം എന്ന റെക്കോർഡ് ഗെയിമിന്റെ നാലാം ദിവസം തന്നെ ഇന്ത്യ മറികടന്നിരിക്കുകയാണ്. പുരുഷന്മാരുടെ ഷോട്ട്പുട്ട് എഫ് 46 ൽ സച്ചിൻ സർജേറാവോ ആണ് സ്വർണ്ണ മെഡൽ നേടി.

16.03 എറിഞ്ഞ സച്ചിൻ പുതിയ ഗെയിംസ് റെക്കോർഡ് സൃഷ്ടിച്ച് ആണ് സ്വർണം നേടിയത്. 14.56 എറിഞ്ഞ രോഹിത് കുമാർ വെങ്കലം നേടി. ഇന്ത്യക്ക് ആകെ 68 മെഡൽ ആയി. 16 സ്വർണ്ണം, 20 വെള്ളി, 32 വെങ്കലം എന്നിങ്ങനെ ഇന്ത്യ ഇതുവരെ നേടി.