വനിതകളുടെ 57 കിലോഗ്രാം വിഭാഗത്തിൽ ഇന്ത്യയുടെ പർവീൺ ഹൂഡ വെങ്കലം നേടി. സെമിഫൈനലിൽ ഇന്ന് ചൈനീസ് തായ്പയുടെ യു ടിംഗ് ലിന്നിനോട് പർവീൺ പരാജയപ്പെട്ടതോടെയാണ് വെങ്കലം കൊണ്ട് തൃപ്തിപ്പെടേണ്ടി വന്നത്. 5-0 എന്ന സ്കോറിന് ആയിരുന്നു പരാജയം. ഈ മെഡൽ നേട്ടത്തോടെ ഇന്ത്യയുടെ മെഡൽ എണ്ണം 73 ആയി. 16 സ്വർണ്ണം, 26 വെള്ളി, 31 വെങ്കലം എന്നിവ ഇതുവരെ ഇന്ത്യ നേടി.
ക്വാർട്ടർ ഫൈനലിൽ വിധികർത്താക്കളുടെ ഏകകണ്ഠമായ തീരുമാനത്തിലൂടെ ഇന്ത്യൻ ബോക്സർ ഉസ്ബെക്കിസ്ഥാന്റെ സിറ്റോറ തുർഡിബെക്കോവയെ ആണ് പരാജയപ്പെടുത്തിയിരുന്നത്. സെമിയിൽ എത്തിയതോടെ 2024 ലെ പാരീസ് ഒളിമ്പിക്സിനുള്ള യോഗ്യത പർവീൺ നേടിയിരുന്നു.