ഏഷ്യൻ ഗെയിംസിൽ ഇന്ത്യൻ വനിതാ ഹോക്കി ടീമിന് വെങ്കലം. ഇന്ന് നടന്ന മൂന്നാം സ്ഥാനത്തിനായുള്ള മത്സരത്തിൽ ഇന്ത്യ ജപ്പാനെ തോൽപ്പിച്ചു. 2-1 എന്ന സ്കോറിനായിരുന്നു ഇന്ത്യയുടെ വിജയം. അഞ്ചാം മിനുട്ടിൽ ദീപിക നേടിയ ഗോളിൽ ഇന്ത്യ ലീഡ് എടുത്തു. ഇതിന് 30ആം മിനുട്ടിൽ യുറി നഗായി മറുപയടി നൽകി. സ്കോർ 1-1
കളി അവസാനിക്കാൻ 10 മിനുട്ട് ബാക്കിയിരിക്കെ സുശീല ചാനു ഇന്ത്യക്ക് ലീഡ് നൽകി. ഈ ഗോൾ വിജയ ഗോളായി മാറി. ഈ വിജയം ഇന്ത്യക്ക് ഈ ഏഷ്യൻ ഗെയിംസിലെ 104ആം മെഡൽ നൽകി. 28 സ്വർണ്ണം, 35 വെള്ളി, 41 വെങ്കലം എന്നിവയാണ് ഇന്ത്യക്ക് ഇതുവരെ നേടാൻ ആയത്.