ആവേശകരമായ തിരിച്ചുവരവിലൂടെ പാരീസ് ഒളിമ്പിക്സിൽ എച്ച്എസ് പ്രണോയ് പ്രീക്വാർട്ടർ റൗണ്ടിലേക്ക് മുന്നേറി. ഒളിമ്പിക്സിലെ ബാഡ്മിൻ്റൺ ഏറ്റുമുട്ടലിൽ വിയറ്റ്നാമിൻ്റെ ലെ ഡക് ഫട്ടിനെ മറികടന്നാണ് ഇന്ത്യയുടെ എച്ച്എസ് പ്രണോയ് പ്രീക്വാർട്ടർ ഉറപ്പിച്ചത്. ആദ്യ ഗെയിം 16-22 ന് കൈവിട്ടുപോയ ശേഷമാണ് പ്രണോയ് ശ്രദ്ധേയമായ കം ബാക്ക് നടത്തിയത്.
അടുത്ത രണ്ട് ഗെയിമുകൾ 21-11, 21-12 എന്ന സ്കോറിന് സ്വന്തമാക്കാൻ താരത്തിനായി. ഇതോടെ പ്രണോയ് തന്റെ മെഡൽ പ്രതീക്ഷകൾ കാത്തു. നാളെ പ്രീക്വാർട്ടറിൽ ഇന്ത്യയുടെ തന്നെ ലക്ഷ്യ സെന്നിനെ ആകും പ്രണോയ് നേരിടുക. ഒരു ഇന്ത്യൻ താരം ക്വാർട്ടർ ഫൈനൽ കളിക്കും എന്ന് ഇതോടെ ഉറപ്പായി.