ലെവൻഡോസ്കിക്ക് ഇരട്ട ഗോൾ, ബാഴ്സലോണ വിജയത്തോടെ തുടങ്ങി

ലാലിഗയിലെ ആദ്യ മത്സരത്തിൽ ബാഴ്സലോണക്ക് വിജയം. ഇന്ന് വലൻസിയയെ എവെ മത്സരത്തിൽ നേരിട്ട ബാഴ്സലോണ ഒന്നിനെതിരെ രണ്ടു ഗോളുകൾക്ക് ആണ് വിജയിച്ചത്. ലെവൻഡോസ്കി ഇരട്ട ഗോളുകളുമാഉഇ ബാഴ്സലോണയുടെ ഹീറോ ആയി. തുടക്കത്തിൽ ഒരു ഗോളിന് പിറകിൽ പോയ ശേഷം തിരിച്ചടിച്ചാണ് ബാഴ്സലോണ ജയിച്ചത്‌.

43ആം മിനുട്ടിൽ ഡ്യൂറഒയുടെ ഗോളാണ് വലൻസിയക്ക് ലീഡ് നൽകിയത്. എന്നാൽ മിനുട്ടുകൾക്കകം ലെവൻഡോസ്കിയുടെ ഫിനിഷ് ബാഴ്സലോണയെ കളിയിലേക്ക് തിരികെ കൊണ്ടു വന്നു‌. ആദ്യ പകുതി 1-1 എന്ന് അവസാനിച്ചു.

രണ്ടാം പകുതിയുടെ തുടക്കത്തിൽ തന്നെ ലെവൻഡോസ്ക്കി വീണ്ടും ഗോൾ നേടിക്കൊണ്ട് ബാഴ്സലോണയെ മുന്നിൽ എത്തിച്ചു. ഈ ഗോൾ പിന്നീട് വിജയ ഗോളായി മാറി.