ഹോക്കി പുരുഷ ലോകകപ്പിൽ നിന്ന് ഇന്ത്യ പുറത്ത്. ഇന്ന് നടന്ന ക്രോസ്ഓവര് മത്സരത്തിൽ നിശ്ചിത സമയത്ത് ന്യൂസിലാണ്ടിനെതിരെ സമനിലയിൽ അവസാനിച്ചുവെങ്കിലും ഇന്ത്യയെ ഷൂട്ട്ഔട്ടിൽ ന്യൂസിലാണ്ട് മറികടക്കുകയായിരുന്നു.
നിശ്ചിത സമയത്ത് 3-3 എന്ന സമയത്ത് പിരിഞ്ഞപ്പോള് ഷൂട്ടൗട്ടിൽ ന്യൂസിലാണ്ട് 5-4ന് വിജയം കൈവരിച്ചു. നിശ്ചിത സമയത്ത് 17, 24 മിനുട്ടുകളിൽ ലളിത് കുമാര് ഉപാദ്ധ്യായയും 24ാം മിനുട്ടിൽ സുഖ്ജീത് സിംഗും ഇന്ത്യയ്ക്ക് ലീഡേ നേടികൊടുത്തപ്പോള് സാം ലെയിന് 28ാം മിനുട്ടിൽ ന്യൂസിലാണ്ടിനായി ഗോള് മടക്കി.
40ാം മിനുട്ടിൽ വരുൺ കുമാര് ഇന്ത്യയ്ക്ക് വീണ്ടും രണ്ട് ഗോള് ലീഡ് നേടിയെങ്കിലും 43ാം മിനുട്ടിൽ കെയിന് റസ്സലും 49ാം മിനുട്ടിൽ ഷോൺ ഫിന്ഡ്ലേയും ഓരോ ഗോളുകള് നേടി ന്യൂസിലാണ്ടിന്റെ തിരിച്ചുവരവ് ഒരുക്കി.