യുവന്റസിനെതിരായ എം എൽ എസ് ഓൾ സ്റ്റാർ ഇലവന്റെ മത്സരത്തിൽ സ്ലാട്ടൻ ഇബ്രാഹിമോവിച് കളിക്കില്ല. ലോസ് ആഞ്ചലസ് ഗാലക്സി താരമായ ഇബ്രാഹിമോവിച് മത്സരങ്ങളുടെ ആധിക്യം മൂലമാണ് പിന്മാറിയത്. ബുധനാഴ്ചയാണ് മത്സരം അരങ്ങേറുക.
ഇബ്രയുടെ മുൻ ടീം കൂടിയായ യുവന്റസിന് എതിരെ കളിക്കാൻ ആവില്ല എന്നത് താരം പ്രസ്താവനയിലൂടെയാണ് അറിയിച്ചത്. തന്നെ ടീമിലേക്ക് തിരഞ്ഞെടുക്കാൻ വോട്ട് ചെയ്ത ആരാധകർക്ക് താരം നന്ദി അറിയിച്ചു. പരിക്കേറ്റ മുൻ സ്പാനിഷ് താരവും ന്യൂയോർക്ക് സിറ്റി സ്ട്രൈകറുമായ ഡേവിഡ് വിയ്യയും മത്സരത്തിൽ കളിക്കില്ല.
കൂടുതൽ കായിക വാർത്തകൾക്ക് : www.facebook.com/FanportOfficial
