ടോട്ടൻഹാമിനോട് 3-1 ന് തോറ്റതോടെ പ്രീമിയർ ലീഗിൽ നിന്നുള്ള തരംതാഴ്ത്തൽ സ്ഥിരീകരിച്ച സതാംപ്ടൺ, അവരുടെ മാനേജർ ഇവാൻ ജൂറിച്ചിനെ പുറത്താക്കി. 31 മത്സരങ്ങളിൽ നിന്ന് 25 തോൽവികളുമായി പട്ടികയിൽ ഏറ്റവും താഴെയുള്ള ക്ലബ്, പ്രീമിയർ ലീഗ് ചരിത്രത്തിൽ ഏഴ് മത്സരങ്ങൾ കൂടി ബാക്കി നിൽക്കെ തരംതാഴ്ത്തപ്പെടുന്ന ആദ്യ ടീമായി മാറി . ഡിസംബറിൽ റസ്സൽ മാർട്ടിന് പകരക്കാരനായി വന്ന ജൂറിച്, തന്റെ ഹ്രസ്വ കാലയളവിൽ ഒരു ലീഗ് വിജയം മാത്രമേ നേടിയുള്ളൂ.
സീസണിലെ ശേഷിക്കുന്ന സമയത്തേക്ക് സൈമൺ റസ്കിനെ താൽക്കാലിക മാനേജരായി സതാമ്പ്ടൺ നിയമിച്ചു, മുൻ സെയിന്റ്സ് മിഡ്ഫീൽഡർ ആദം ലല്ലാന അദ്ദേഹത്തിന്റെ അസിസ്റ്റന്റ് ആയി ഉണ്ടാകും.