എടത്തനാട്ടുകര അഖിലേന്ത്യാ സെവൻസിൽ ലിൻഷ മണ്ണാർക്കാട് മികച്ച വിജയം സ്വന്തമാക്കി. ഇന്ന് നടന്ന മത്സരത്തിൽ ലിൻഷാ മണ്ണാർക്കാട് സ്കൈ ബ്ലൂ എടപ്പാളിനെയാണ് തോൽപ്പിച്ചത്. ഏഴു ഗോളുകൾ പിറന്ന മത്സരത്തിൽ രണ്ടിനെതിരെ അഞ്ചു ഗോളുകൾക്കായിരുന്നു ലിൻഷാ മണ്ണാർക്കാടിന്റെ വിജയം. നേരത്തെ ചെർപ്പുളശ്ശേരി അഖിലേന്ത്യാ സെവൻസിൽ ലിൻഷ മണ്ണാർക്കാടിനെ സ്കൈ ബ്ലൂ തോൽപ്പിച്ചിരുന്നു. അതിനുള്ള പ്രതികാരമായി ഇന്നത്തെ വിജയം. അന്ന് സ്കൈബ്ലൂ എതിരില്ലാത്ത 3 ഗോളുകൾക്കായിരുന്നു വിജയിച്ചത്.
ലിൻഷയുടെ സീസണിലെ രണ്ടാം വിജയമാണിത്. എടത്തനാട്ടുകര സെവൻസിൽ നാളെ നടക്കുന്ന മത്സരത്തിൽ കെ എഫ് സി കാളികാവ് ഉഷ തൃശൂരിനെ നേരിടും.
ഇന്ന് ഇന്ന് കൊപ്പം അഖിലേന്ത്യാ സെവൻസിൽ നടന്ന മത്സരത്തിൽ റോയൽ ട്രാവൽസ് കോഴിക്കോട് എതിരില്ലാത്ത മൂന്ന് ഗോളുകൾക്ക് ജിംഖാന തൃശൂരിനെ തോൽപ്പിച്ചു. ചെറുപ്പുളശ്ശേരിയിൽ നടന്ന മത്സരത്തിൽ ഉഷ തൃശ്ശൂർ മെഡിഗാർഡ് അരീക്കോടിനോട് പരാജയപ്പെട്ടു. പെനാൽറ്റി ഷൂട്ടൗട്ടിൽ ആയിരുന്നു മെഡിഗാർഡിന്റെ വിജയം.
