റൂബൻ ഡയസുമായി പുതിയ ദീർഘകാല കരാറിൽ മാഞ്ചസ്റ്റർ സിറ്റി ധാരണയിലെത്തി. ഇതോടെ നിലവിലുള്ള 2027-ലെ കരാറിന് ശേഷവും താരം ഇത്തിഹാദിൽ തുടരും എന്ന് ഉറപ്പായി.
2020-ൽ ബെൻഫിക്കയിൽ നിന്ന് 62 മില്യൺ പൗണ്ടിന് മാഞ്ചസ്റ്റർ സിറ്റിയിലെത്തിയ 28-കാരനായ പോർച്ചുഗീസ് സെന്റർ ബാക്ക്, സിറ്റിയുടെ പ്രതിരോധനിരയിലെ ഒരു പ്രധാന താരമാണ്.
ക്ലബിനായി 222 മത്സരങ്ങളിൽ നിന്ന് റൂബൻ ഡയസ് കളിച്ചിട്ടുണ്ട്. ഇതിനോടകം നാല് പ്രീമിയർ ലീഗ് കിരീടങ്ങൾ, ഒരു ചാമ്പ്യൻസ് ലീഗ് കിരീടം, ഒരു ഫിഫ ക്ലബ് ലോകകപ്പ് എന്നിവയും റൂബൻ ഡയസ് നേടിയിട്ടുണ്ട്.
2021-ൽ സിറ്റിയുടെ ക്യാപ്റ്റൻസി ഗ്രൂപ്പിലേക്ക് തിരഞ്ഞെടുക്കപ്പെട്ടതിന് പിന്നാലെ ഡയസ് ഒരു വർഷത്തെ കരാർ നീട്ടിയിരുന്നു.