മേതർ പ്രസിഡന്റ് സ്ഥാനത്തേക്കില്ല, കെ എഫ് എ ഇലക്ഷൻ ആഗസ്റ്റ് 31 ന് നടക്കും

- Advertisement -

കേരള ഫുട്ബോൾ അസോസിയേഷൻ തിരഞ്ഞെടുപ്പ് ആഗസ്റ്റ് 31നു നടക്കും. രണ്ട് ദശാബ്ദക്കാലത്തോളം കേരള ഫുട്ബോളിന്റെ അമരക്കാരനായ കെ.എം.ഐ മേതർ ഇത്തവണ മത്സരത്തിനില്ല. നിയമാവലി അനുസരിച്ച് 70ൽ അധികം പ്രായമുള്ളവർക്ക് മത്സരിക്കാൻ സാധിക്കാത്തതിനാൽ മേതർ പിന്മാറുകയായൊരുന്നു.

എങ്കിലും കെഎഫ്എയുടെ ഓണററി പ്രസിഡന്റായി അദ്ദേഹം തുടരും. കേരള ഫുട്ബോളിന്റെ തലപ്പത്തേക്ക് പുതിയൊരാൾ കടന്നുവരാനുള്ള വഴിയാണൊരുങ്ങുന്നത്. പ്രസിഡന്റ് സ്ഥാനത്തേക്ക് എ. പ്രദീപ് കുമാർ എംഎൽഎയും ടോം ജോസുമാണുള്ളത്. സെക്രട്ടറി സ്ഥാനത്തേക്ക് തിരഞ്ഞെടുപ്പില്ല. നിലവിലെ സെക്രട്ടറി അനിൽകുമാർ തന്നെ തുടരും. വൈസ് പ്രസിഡന്റ് സ്ഥാനത്തേക്ക് കെപി സണ്ണി, ഗോപാലകൃഷ്ണൻ, രഞ്ജ് കെ ജേക്കബ്,എം എം പൗലോസ്, അബ്ദുൾ കരീം, മോഹനൻ എം വി, വിജയകുമാർ എന്നിവരാണ് മത്സരിക്കുന്നത്. ജോയന്റ് സെക്രട്ടറിമാരുടെ സ്ഥാനത്തേക്ക് അച്ചു, റഫീക്ക്, ഗീവർഗ്ഗീസ് എന്നിവരും മത്സരിക്കുന്നു.

Advertisement