29 യാർഡ് അകലെ നിന്ന് മോഡ്രിചിന്റെ സ്ക്രീമർ!! റയൽ മാഡ്രിഡിന് ജയം

ലാലിഗ കിരീട പോരാട്ടത്തിൽ വിട്ടു കൊടുക്കാതെ റയൽ മാഡ്രിഡ്. ഇന്ന് അവർ ജിറോണക്ക് എതിരെ 2-0ന്റെ വിജയം സ്വന്തമാക്കി. ലൂക്ക മോഡ്രിചിന്റെ ഒരു ലോംഗ് റേഞ്ചറും വിനീഷ്യസിന്റെ ഗോളും ആണ് റയൽ മാഡ്രിഡിന് ഇന്ന് വിജയം നൽകിയത്.

ആദ്യ പകുതിയിൽ 41ആം മിനുറ്റിൽ ആയിരുന്നു മോഡ്രിചിന്റെ ഗോൾ. 39കാരൻ 29 യാർഡ് അകലെ നിന്ന് തൊടുത്ത ഷോട്ടാണ് ഗോളായി മാറിയത്. രണ്ടാം പകുതിയിൽ 83ആം മിനുറ്റിൽ വിനീഷ്യസ് ജൂനിയർ ലീഡ് ഇരട്ടിയാക്കിയതോടെ റയൽ മാഡ്രിഡ് വിജയം ഉറപ്പിച്ചു.

ഈ വിജയത്തോടെ റയൽ മാഡ്രിഡ് 54 പോയിന്റുമായി ബാഴ്സലോണക്ക് ഒപ്പം നിൽക്കുകയാണ്. 53 പോയിന്റുമായി അത്ലറ്റികോ മാഡ്രിഡ് തൊട്ടു പിറകിലും ഉണ്ട്.