മാഞ്ചസ്റ്റർ യുണൈറ്റഡ് ഫോർവേഡ് മാർക്കസ് റാഷ്ഫോർഡ് ആസ്റ്റൺ വില്ലയിൽ ചേർന്നു. റാഷ്ഫോർഡിന്റെ സൈനിംഗ് ആസ്റ്റൺ വില്ല ഔദ്യോഗികമായി പ്രഖ്യാപിച്ചു. ലോൺ കരാറിൽ ആണ് താരം വില്ലയിൽ എത്തുന്നത്. വേനൽക്കാലത്ത് വില്ലയിലേക്ക് സ്ഥിരമായി മാറാനുള്ള ഓപ്ഷനും ഈ കരാറിൽ ഉൾപ്പെടുന്നുണ്ട്. റാഷ്ഫോർഡിന്റെ ശമ്പളത്തിന്റെ ഒരു പ്രധാന ഭാഗം നൽകാനും ആസ്റ്റൺ വില്ല സമ്മതിച്ചു.
ഡിസംബർ പകുതി മുതൽ റാഷ്ഫോർഡ് മാഞ്ചസ്റ്റർ യുണൈറ്റഡിന്റെ ടീമിൽ ഇടം നേടിയിരുന്നില്ല. പരിശീലനത്തിലെ പ്രശ്നങ്ങൾ കാരണം അദ്ദേഹത്തെ മാനേജർ റൂബൻ അമോറിം ടീമിൽ നിന്ന് ഒഴിവാക്കിയിരുന്നു. വില്ലയിൽ പോയാൽ ചാമ്പ്യൻസ് ലീഗ് ഫുട്ബോൾ കളിക്കാം എന്നതാണ് റാഷ്ഫോർഫ് വില്ല തിരഞ്ഞെടുക്കാൻ പ്രധാന കാരണം.