അറ്റാക്കിംഗ് താരം രാഹുൽ രാജു ഗോകുലം കേരളയുടെ ജേഴ്സിയിൽ തുടരും. താരം 2026വരെയുള്ള കരാാറിൽ ഒപ്പുവെച്ചതായി ക്ലബ് ഇന്ന് ഔദ്യോഗികമായി പ്രഖ്യാപിച്ചു. ഒരു സീസൺ മുമ്പ് ബെംഗളൂരു എഫ് സിയിൽ നിന്നാണ് രാഹുൽ ഗോകുലത്തിലേക്ക് എത്തുന്നത്. കഴിഞ്ഞ സീസണിൽ ഐ ലീഗിൽ ഗോകുലത്തിന്റെ ഐ ലീഗ് സ്ക്വാഡിൽ രാഹുൽ സജീവമായിരുന്നു. ഐ ലീഗിൽ ഒരു ഗോളും താരം നേടിയിരുന്നു.
മുമ്പ് ഐ എസ് എൽ ഡെവലപ്മെന്റ് ലീഗിൽ ബെംഗളൂരു എഫ് സി ചാമ്പ്യന്മാർ ആയപ്പോൾ 7 ഗോളുകൾ അടിച്ച് ലീഗിലെ ടോപ് സ്കോറർ ആകാൻ രാഹുൽ രാജുവിന് ആയിരുന്നു. തിരുവനന്തപുരം പൂവാർ സ്വദേശിയാണ് രാഹുൽ രാജു. 19കാരൻ ആയ രാഹുൽ എസ് എഫ് ബി എ പൂവ്വാർ അക്കാദമിയിലൂടെ വളർന്നു വന്ന താരമാണ്.
