ചെൽസി ക്യാപ്റ്റൻ റീസ് ജെയിംസിന് വീണ്ടും പരിക്ക്. ഇന്നലെ എവർട്ടണെതിരായ മത്സരത്തിന് ഇടയിലാണ് റീസ് ജെയിംസിന് പരിക്കേറ്റത് താരത്തിൻ. ഹാം സ്ട്രിംഗ് ഇഞ്ച്വറി ആണെന്നാണ് പരിശീലകൻ പോചറ്റിനോ പറയുന്നത്. ഇന്നലെ മത്സരത്തിൽ 2-0ന്റെ പരാജയവും ചെൽസി നേരിട്ടിരുന്നു.
അവസാന മൂന്ന് മത്സരങ്ങളിൽ ജെയിംസിന്റെ ആദ്യ സ്റ്റാർട്ട് ആയിരുന്നു ഇന്നലത്തേത്. ഈ സീസണിൽ ഇതിനകം പത്ത് മത്സരങ്ങൾ ജെയിംസിന് നഷ്ടമായിട്ടുണ്ട്. കഴിഞ്ഞ സീസണിലലും പരിക്ക് റീസ് ജെയിംസിന് പ്രശ്നമായിരുന്നു. കഴിഞ്ഞ സീസണിൽ 24 മത്സരങ്ങളിൽ മാത്രമായിരുന്നു താരം കളിച്ചത്. 2021-22 സീസണിന്റെ തുടക്കം മുതൽ അവസാന 91 പ്രീമിയർ ലീഗ് മത്സരങ്ങളിൽ 41 എണ്ണം മാത്രമാണ് താരം കളിച്ചത്.