നെയ്മറിന്റെ ഡൈവിങ് ന്യായീകരിക്കാനാവാത്തത്- പെലെ

- Advertisement -

ബ്രസീലിയൻ താരം നെയ്‌മർ ജൂനിയർ കളിക്കളത്തിൽ നടത്തുന്ന ഡൈവിങ്ങുകൾ ന്യായീകരിക്കാനാവില്ലെന്ന് ഫുട്‌ബോൾ ഇതിഹാസം പെലെ. 2018 ലോകകപ്പിൽ നെയ്മറിന്റെ ഇത്തരം നടപടികൾ ഏറെ വിമർശങ്ങൾക്ക് വിധേയമായിരുന്നു. ബ്രസീലിയൻ പത്രത്തോട് സംസാരിക്കവെയാണ് ഫുട്‌ബോൾ ഇതിഹാസം നെയ്മറിനെ കുറിച്ച് വിമർഷനാത്മക നിരീക്ഷണങ്ങൾ നടത്തിയത്‌.

ഫുട്‌ബോൾ കളിക്കുന്നതിന് അപ്പുറം നെയ്മർ നടത്തുന്ന ചേഷ്ടകളെ അനുകൂലിക്കുക എന്നത് പ്രയാസമാണ്, നെയ്മറിനോട് നേരിട്ട് ഇതിനെ കുറിച്ച് സംസാരിക്കുകയും അയാളുടെ കഴിവുകളെ നേരായ രീതിയിൽ ഉപയോഗിക്കാനും ആവശ്യപ്പെട്ടിട്ടുണ്ട്. ഫുട്‌ബോൾ ദൈവം നിനക്ക് ധാരാളം കഴിവുകൾ തന്നു, എന്തിനാണ് അവയെ ഇങ്ങനെ സങ്കീർണമാക്കുന്നത് എന്നും നെയ്മറിനോട് പറഞ്ഞതായി പെലെ വ്യക്തമാക്കി.

വിമർഷിച്ചെങ്കിലും നെയ്മറിന്റെ കഴിവുകളെ പുകഴ്ത്താൻ പെലെ മറന്നില്ല. എംബപ്പേയേക്കാൾ മികച്ച കളിക്കാരനാണ് നെയ്മർ, എംബപ്പേയേക്കാൾ പരിപൂർണ്ണമായ കളിക്കാരനാണ് നെയ്മർ എന്നും പെലെ നിരീക്ഷിച്ചു.

Advertisement