കോപ്പ ഡെൽ റേയിൽ സെമി ഫൈനലിൽ എത്തിയ മിരാൻഡസ് ടീമിന്റേത് അവിശ്വസനീയ കുതിപ്പ്. സ്പാനിഷ് രണ്ടാം ഡിവിഷൻ ടീം ആയ അവരുടെ മൊത്തം മൂല്യം കേവലം 11.9 മില്യൺ യൂറോ മാത്രമാണ്.
സെമി ഫൈനലിലേക്ക് ഉള്ള കുതിപ്പിൽ ല ലീഗെയിൽ കളിക്കുന്ന മൂന്ന് വമ്പന്മാരെയാണ് അവർ തോൽപ്പിച്ചത്. ആദ്യം സെൽറ്റ വിഗോയെ മറികടന്നാണ് അവർ ശ്രദ്ധേയരായത്. 2-1 നാണ് ഈ മത്സരം അവർ സ്വന്തമാക്കിയത്. സെൽറ്റയുടെ ടീമിന്റെ മൂല്യം ഏതാണ്ട് 181 മില്യൺ യൂറോയാണ്. പിന്നീട് 293 മില്യൺ യൂറോയോളം മൂല്യമുള്ള സെവിയ്യ ടീമിനെയാണ് അവർ 3-1 ന് മറികടന്നത്. ഏറ്റവും അവസാനം 227 മില്യൺ യൂറോ മൂല്യമുള്ള ടീമുള്ള വിയ്യ റയലും അവർക്ക് മുൻപിൽ തോൽവി സമ്മതിച്ചു. 4-2 ന്റെ മിന്നും ജയമാണ് ഇതിൽ അവർ നേടിയത്. നിലവിൽ സ്പാനിഷ് രണ്ടാം ഡിവിഷനിൽ 11 ആം സ്ഥാനത്താണ് മിരാൻഡസ് നിൽക്കുന്നത്.
