മാഞ്ചസ്റ്റർ സിറ്റി അവരുടെ ടീം ശക്തമാക്കുന്നത് തുടരുകയാണ്. മാഞ്ചസ്റ്റർ സിറ്റി ഫ്രാങ്ക്ഫർട്ടിൽ നിന്ന് ഈജിപ്ഷ്യൻ ഫോർവേഡ് ഒമർ മാർമൗഷിനെയും സ്വന്തമാക്കി. പ്രീമിയർ ലീഗ് ചാമ്പ്യന്മാർ താരവുമായി അഞ്ച് വർഷത്തെ കരാറിൽ ഒപ്പുവച്ചു. ഇന്ന് ഔദ്യോഗികമായി സിറ്റി ഈ സൈനിംഗ് പ്രഖ്യാപിച്ചു.
വിറ്റർ റെയ്സും അബ്ദുക്കോദിർ ഖുസനോവും ടീമിൽ എത്തിയതിനു പിന്നാലെയാണ് ഒമർ എത്തുന്നത്.
26 കാരനായ ഫോർവേഡ്, അറ്റാക്കിൽ വിവിധ റോളുകൾ കളിക്കാൻ കഴിവുള്ള താരമാണ്. ജർമ്മനിയിലേക്ക് പോകുന്നതിനു മുമ്പ് മാർമൗഷ് തന്റെ പ്രൊഫഷണൽ കരിയർ ആരംഭിച്ചത് ഈജിപ്തിലാണ്. പിന്നെ അദ്ദേഹം വോൾഫ്സ്ബർഗിലും ഐൻട്രാക്റ്റ് ഫ്രാങ്ക്ഫർട്ടിലും തിളങ്ങി വലിയ ക്ലബുകളുടെ ശ്രദ്ധ നേടി.
.